މެލޭޝިއާގެ ކުރީގެ ބޮޑުވަޒީރު ނަޖީބު ރައްޒާގުގެ މައްޗަށް ކޮށްފައިވާ ހުކުމް ބާތިލުކުރަން ނުޖެހޭކަމަށް ކަނޑައަޅައިފިއެވެ.

މެލޭޝިއާގައި ހިންގި 1 އެމްޑީބީގެ ބޮޑު ޚިޔާނާތާ ގުޅިގެން، ނަޖީބު ރައްޒާގުގެ މައްޗަށް 42 ދައުވާއެއް އުފުލާފައިވެއެެވެ. އޭގެތެރެއިން 5 މައްސަލައަކާ ގުޅިގެން 7 ދައުވާ ސާބިތުވާކަމަށް މެލޭޝިއާގެ ހައިކޯޓުން ނިންމާފައިވެއެވެ. އެ ދައުވާތަކުގެ ތެރޭގައި ހިމެނެނީ، މަނީ ލޯންޑަރިންގއާއި މަގާމުގެ ނުފޫޒު ބޭނުން ކުރުމުގެ ދައުވާތަކެކެވެ. މި ހުރިހާ ދައުވާތަކެއް ވެސް ގުޅިފައިވަނީ މެލޭޝިޔާގެ ތަރައްގީގެ ފަންޑުން ނަޖީބުގެ އަމިއްލަ އެކައުންޓަށް 42 މިލިއަން ރިންގިޓް ޖަމާކޮށްފައިވާ މައްސަލައާ ގުޅިގެންނެވެ. މިކަން ހިނގާފައިވަނީ ނަޖީބުގެ ވެރިކަމުގެ ދުވަސްވަރުއެވެ.

ނަޖީބު ރައްޒާގުގެ މައްޗަށް އުފުލި ދައުވާތަކުގެ ތެރެއިން 7 ދައުވާ ސާބިތުވެފައިވާތީ އޭނާ 12 އަހަރަށް ޖަލަށްލުމަށް މެލޭޝިއާގެ ހައިކޯޓުން ހުކުމްކޮށްފައިވަނީ މިދިޔަ އަހަރުގެ ޖުލައި މަހުއެވެ. އަދި 50 މިލިޔަން އެމެރިކާ ޑޮލަރުގެ ޖޫރިމަނާއެއް ވެސް ވަނީ ކޮށްފައެވެ. ހައިކޯޓުން ކޮށްފައިވާ ހުކުމުގައި ބުނެފައިވަނީ، އިތުބާރުކުރެވޭ މަގާމެއްގައި ހުންނަވައި މަގާމުގެ ފައިދާ ނަހަމަ ގޮތުގައި ބޭނުންކުރައްވައި މަނީލޯންޑަރގެ އަމަލުތައް ހިންގަވާފައިވާކަން ސާބިތުވާކަމަށެވެ.

ގިނަ ތުހުމަތުތަކެއް ނަޖީބު ރައްޒާގަށް ކުރެވެމުންދާއިރު، އޭނާގެ މައްޗަށް ދައުވާކޮށް ހުކުމްކޮށްފައިވަނީ ގާނޫނާއި ގަވާއިދާ ޚިލާފަށް އެސްއާރުސީ އިންޓަރނޭޝަނަލުން 10 މިލިޔަން އެމެރިކާ ޑޮލަރު އޭނާގެ ބޭންކް އެކައުންޓަކަށް ޖަމާކުރެއްވި މައްސަލާގައެވެ. އެ އެ މައްސަލަ އިސްތިއުނާފު ކުރުމުން ކޯޓުން ނިންމާފައިވަނީ ހައި ކޯޓުގެ ހުކުމް ރަނގަޅު ކަމަށެވެ.

މިއީ މެލޭޝިއާގެ ވެރިކަން ކުރެއްވި ބޭފުޅެއްގެ މައްޗަށް ބޮޑެތި ޖިނާއި ބޮޑެތި ކުށްތަކެއް ސާބިތުވި ފުރަތަމަ ފަހަރެވެ.