މުދާ އުފުލާ 8 ފޫޓުގެ ދޯންޏެއް މާލެއަތޮޅު ތިލަފުށީ ފަރަށް އަރައިފި ކަމަށް އެމްއެންޑީއެފުން ބުނެފިއެވެ.
ރާއްޖެ އެމްވީއަށް މައުލޫމާތު ދެއްވަމުން އެމްއެންޑީއެފްގެ މީޑިޔާ އޮފިޝަލް ކެޕްޓަން އިބްރާހީމް އާޒިމް ވިދާޅުވީ މުދާ އުފުލާ 80 ފޫޓުގެ ދޯންޏެއް ތިލަފުށީ ހުޅަނގު ފަރާތު ފަރަށް އެރުމުގެ ސަބަބުން ކޯސްޓްގާޑުން ހަރަކާތްތެރިވަމުންދާކަމަށެވެ.
އާޒިމް ވިދާޅުވީ އެ ދޯނިން ދަތުރުކުރީ ދެދިވެހިންނާއި ބިދޭސީ ދެމީހުން ކަމަށެވެ. އަދި އެންމެންގެ ހާލުވެސް ރަނގަޅު ކަމަށެވެ.
އާޒިމް ވިދާޅުވީ އެދޯނި ފަރަށް އެރިއިރު އެދޯނީގައި މުދަލެއް ނެތްކަމަށެވެ.
އޮފިޝަލް ވިދާޅުވީ ދޯނި ފަރަށް އެރިކަމުގެ ރިޕޯޓް ލިބުނީ އާދީއްތަ ދުވަހުގެރޭގެ 10:48 ގައި ކަމަށާއި އެހާހިސާބުން ކޯސްޓްގާޑުން ހަރަކާތްތެރިވާން ފަށާފައިވާކަމަށެވެ. އަދި ދޯނި ފުންކުރުމަށްޓަކައި ކޯސްޓްގާޑުގެ ޑައިވަރުންވެސް ހަރަކާތްތެރިވަމުންދާކަމަށް އާޒިމް ވިދާޅުވިއެވެ.
