"ރިވެލި އެވޯޑު" އަދި "ރިވެލި ތަރި" 13 ފަރާތަކަށް ދީފި

ރިވެލި އެވޯޑް 2021 އަދި ރިވެލި ތަރި 13 ފަރާތަކަށް ދީފިއެވެ.

ރިވެލި އެވޯޑަކީ ނުކުޅެދުންތެރިކަން ހުންނަ މީހުންނާއި މި ދާއިރާގައި މަސައްކަތް ކުރައްވާ އެކިއެކި ފަރާތްތަކުގެ މަސައްކަތުގެ އަގު ވަޒަންކުރުމުގެ ގޮތުން މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްއާއި، ނުކުޅެދުންތެރިކަން ހުންނަ މީހުންގެ ހައްގުތައް ހިމާޔަތްކުރާ ކައުންސިލް ގުޅިގެން ދެވޭ އެވޯޑެކެވެ.

"ރިވެލި ތަރި" އެވޯޑަކީ ނުކުޅެދުންތެރިކަން ހުންނަ މީހުންނާއި ކުދިންގެ ތެރެއިން، އެކި ދާއިރާތަކުން ހުނަރުވެރިން ކުރަމުން އަންނަ މަސައްކަތާއި އުފެއްދުންތައް ދައްކާލުމާއި، އެފަރާތްތަކުގެ މަސައްކަތާއި އުފެއްދުންތައް ކުރިއަރުވައި މާކެޓްކުރުމާއި، ނުކުޅެދުންތެރިކަން ހުންނަ ފަރާތްތަކުގެ ހުނަރާއި ގާބިލުކަމުގެ މައުލޫމާތު ފުޅާދާއިރާއެއްގައި ފަތުރައި, އަދި ނުކުޅެދުންތެރިކަން ހުންނަ ޒުވާނުންގެ ތެރެއިން މަސައްކަތްތެރިކަމާއި ވިޔަފާރި ކުރިއެރުމަށް ޝައުގުވެރިކަން ހުންނަ ފަރާތްތަކަށްއެކަމަށް ހިތްވަރުދީ މަގުފަހިކޮށްދިނުމަށް ދެވޭ އެވޯޑެވެ.

ކޮންމެ ދެއަހަރަކުން އެއް އަހަރު ދެވޭ މި އެވޯޑު ދިނުމަށް ހޮނިހިރު ދުވަގެރޭ ބޭއްވި ހަފްލާ ޝަރަފުވެރިކޮށްދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހެވެ. ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި އަނބިކަނބަލުން ފަޒްނާ އަހުމަދު ވަނީ، ރިވެހި އެވޯޑު އަދި ރިވެލި ތަރި ލިބުނު ފަރާތްތަކަށް އެވޯޑު ހަވާލުކޮށްދެއްވާފައެވެ.

މިއަހަރު 5 ދާއިރާއަކުން، 7 ފަރާތެއް ވަނީ ރިވެލި ތަރި ހާސިލްކޮށްފައެވެ. އެ ފަރާތްތަކަކީ:

ރިވެލި އެވޯޑު 5 ދާއިރާއަކުން 6 ފަރާތެއް ވަނީ ހާސިލްކޮށްފައެވެ. އެއީ:

މީގެ އިތުރުން މި ހަފްލާފައި ވަނީ، ނުކުލެދުންތެރިކަން ހުންނަ ކުދިން އުފައްދާ ތަކެތީގައި ބޭނުންކުރާނެ ޚާއްސަ ލޯގޯ އިފްތިތާހުކޮށްފައެވެ. މި ލޯގޯ އިފްތިތާހުކޮށްދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހެވެ.