އޭސީސީގެ މެމްބަރުކަމުގެ މަގާމުން އަޝްރަފް އިސްތިއުފާ ދެއްވައިފި
އިސްތިއުފާ ދެއްވީ އަމިއްލަ ސަބަބުތަކަކާ ހުރެ
އޭސީސީގެ މެމްބަރުން ބަޖެޓް ދިރާސާކުރާ ކޮމިޓީގައި
އެންޓި ކޮރަޕްޝަން ކޮމިޝަން (އޭސީސީ)ގެ މެމްބަރުކަމުގެ މަގާމުން ކޮމިޝަންގެ މެމްބަރު އަލީ އަޝްރަފް އިސްތިއުފާ ދެއްވައިފިއެވެ.
އަޝްރަފް މަގާމުން އިސްތިއުފާ ދެއްވާފައިވާކަން އޭސީސީން ވަނީ ކަށަވަރުކޮށްދެއްވާފައެވެ. މައުލޫމާތު ލިބިފައިވާ ގޮތުގައި އޭނާ އިސްތިއުފާ ދެއްވީ އަމިއްލަ ސަބަބުތަކަކާ ހުރެއެވެ.
އަޝްރަފް މަގާމުން އިސްތިއުފާ ދެއްވާފައިވާއިރު، ޕާރފޯމަންސް އޮޑިޓަކަށްފަހު އޭސީސީގެ މެމްބަރުން ވަކިކުރުމަށް މިނިވަން މުއައްސަސާތަކާބެހޭ ކޮމިޓީން 11 ނޮވެންބަރު 2021ގައި ވަނީ ނިންމާފައެވެ. ކޮމިޓީގެ ބައްދަލުވުމުގައި މިގޮތަށް ނިންމާފައިވަނީ، އެ ކޮމިޝަނުން މައްސަލަތައް ބެލުމުގައި ލަސްކަމާއި، ތަކުރާރުކޮށް މިނިވަން މުއައްސަސާތަކާ ބެހޭ ކޮމިޓީއަށް ހާޒިރު ކުރުމަށް ފަހު، ހޯދި މައުލޫމާތުތަކުގެ މައްޗަށް ބިނާކޮށެވެ.
އޭސީސީގެ މެންބަރުކަމަށް އަޝްރަފް އައްޔަން ކޮށްފައި ވަނީ 2019 ވަނަ އަހަރުގެ ސެޕްޓެމްބަރު މަހުގެ ތެރޭގައެވެ.
