ކޮވިޑް ޖެހިގެން ރާއްޖޭގައި މަރުވި މީހުންގެ އަދަދު 250ށް އަރައިފި
29 ނޮވެމްބަރު 2021 | ހޯމަ 10:26ކޮވިޑް ޖެހިގެން ދެ މީހަކު ހޯމަދުވަހު ވަނީ މަރުވެފައި
މާލޭގެ އާ ސަހަރާ: ރާއްޖޭގައި ކޮވިޑް ޖެހިގެން މިހާތަނަށް 250 މީހުން ވަނީ މަރުވެފައި
ކޮވިޑު ބަލީގައި ރާއްޖޭގައި މަރުވި މީހުންގެ އަދަދު 250ށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ ނޫނު އަތޮޅު ހޮސްޕިޓަލިގައި ފަރުވާދެމުންދިޔަ މީހަކާއި، ހުޅުމާލޭ މެޑިކަލްސް ފެސިލިޓީގައި ކޮވިޑް ޖެހިގެން ފަރުވާ ހޯދަމުންދިޔަ މީހަކު ހޯމަ ދުވަހު މަރުވެފައިވާ ކަމަށެވެ.
ނޫނު އަތޮޅު ހޮސްޕިޓަލުގައި ކޮވިޑަށް ފަރުވާ ހޯދަނިކޮށް މަރުވީ އުމުރުން 54 އަހަރުގެ ދިވެހި އަންހެނެކެވެ. އާދީއްތަ ދުވަހުގެރޭ ދަންވަރު 02:00 ހާއިރު މަރުވި މިމީހާއަކީ ކޮވިޑް ޖެހިގެން ރާއްޖޭގައި މަރުވި 249 ވަނަ މީހާއެވެ. ހުޅުމާލޭ މެޑިކަލް ފެސިލިޓީގައި ފަރިވާދެމުން ދަނިކޮށް މަރުވީ އުމުރުން 90 އަހަރުގެ ދިވެހި ފިރިހެނެކެވެ. ހޯމަ ދުވަހުގެ ހެނދުނު 10:42ގައި މަރުވި މި މީހާއަކީ ކޮވިޑް ޖެހިގެން ރާއްޖޭގައި މަރުވި 250 ވަނަ މީހާއެވެ.
