"ރޯ ޕެސިފިކް އޮއިސްޓަރ" ނުވިއްކުމަށް އެމްއެފްޑީއޭއިން އަންގައިފި

ޖަރާސީމުން ތަޣައްޔަރު ވެފައިވުމާއެކު "ރޯ ޕެސިފިކް އޮއިސްޓަރ" ނުވިއްކުމަށް، މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން އަންގައިފިއެެވެ.

އެ އޮތޯރިޓީން ނެރުނު ނޫސް ބަޔާނެއްްގައި ބުނީ، އޮސްޓްރޭލިއާގެ ކޮފިން ބޭގައި އުފައްދާފައިވާ ޕްރެސްޓިޖް ފުޑްސް އިންޓަނޭޝަނަލްގެ ރޯ ޕެސިފިކް އޮއިސްޓަރ ރާއްޖެ އެތެރެވެފައިވާކަމުގެ މައުލޫމާތު އެ އޮތޯރިޓީއަށް ލިބިފައިވާކަމަަށެވެ. އަދި އެ އުފެއްދުމަކީ "ވިބްރިއޯ ޕެރެހޮމޮލީޓިކަސް" ނަމަކަށް ކިޔާ ޖަރާސީކަމުން ތަޣައްޔަރުވުމުގެ ފުުރުސަތު ބޮޑު އުފެއްދުމެއްކަމަށް އެ އޮތޯރިޓީން ބުނެއެވެ.

އެ އޮތޯރިޓީން ބުނީ މިހާރު ކުރިއަށް ގެންދަނީ އޭގެ ސަބަބުން ކާބޯތަކެއްޗަށް އޮތް ނުރައްކާ ބަލައި ދެނެގަތުމުގެ މަސައްކަތްކަމަށެވެ.

އެހެންކަމުން ރައްކާތެރިކަމުގެ ފިޔަވަޅެއްގެ ގޮތުން، އެ އުފެއްދުން ނުވިއްކުމަަށާއި ބޭނުންނުކުރުމަށް އެމްއެފްޑީއޭއިން ވަނީ އަންގާފައެވެ.