ތިމާވެށި ރައްކާތެރިކުރުމަށް 1543 މިލިއަން ރުފިޔާ ކަނޑައަޅާފައިވޭ
ހދ. ނޮޅިވަރަމްފަރުގައި ފެނާއި ނަރުދަމާ އިފްތިތާހުކުރުމުގެ ތެރެއިން
ތިމާވެށި ރައްކާތެރިކުރުމަށް އަންނަ އަހަރުގެ ބަޖެޓްގައި 1.5 މިލިއަން ރުފިޔާ ކަނޑައަޅައިފިއެވެ.
އަންނަ އަހަރަށް ލަފާކުރާ ދައުލަތުގެ ބަޖެޓް, ފިނޭންސް މިނިސްޓަރ އިބްރާހީމް އަމީރު ވަނީ މަޖިލީހަށް ހުށަހަޅުއްވާފައެވެ. ބަޖެޓް ހުށަހަޅުއްވަމުން މިނިސްޓަރ ވިދާޅުވީ ރާއްޖޭގެ ހުރިހާ ރަށެއްގައި ފެނާއި ނަރުދަމާގެ ނިޒާމު ގާއިމުކުރުމަކީ ސަރުކާރުގެ ވައުދެއްކަމަށާއި މި ނިޒާމުތައް ގާއިމުކުރުމުގެ އަމަލީ މަސައްކަތް މިހާތަނަށް ނުފެށި ހުރި، ހުރިހާ ރަށެއްގައި ކުރިއަށް އޮތް އަހަރު މަސައްކަތް ފެށިގެންދާނެކަމަށެވެ. އަދި ކޮވިޑް-19 އާ ގުޅިގެން މަސައްކަތް މަޑުޖެހިފައި ހުރި ރަށްތަކުގައި ވެސް މަސައްކަތްތައް ބާރަށް ހިންގޭނެކަމަށް މިނިސްޓަރ ވިދާޅުވިއެވެ.
މީގެއިތުރުން މިނިސްޓަރ ވިދާޅުވީ އިޤުތިޞާދު ބިނާކުރުމުގައި ތިމާވެއްޓާ ރައްޓެހި މަގުތައް ހިޔާރުކޮށްގެން ކުރިއަށް ގެންދިއުމަކީ ސަރުކާރުގެ އަމާޒެއްކަމަށެވެ. މިގޮތުން ތެޔޮ ބޭނުންކޮށްގެން ހަކަތަ އުފައްދާ މިންވަރު މަދުކުރުމަށް އޭޝިއަން ޑިވެލޮޕްމަންޓް ބޭންކް އަދި ވޯލްޑް ބޭންކްގެ އެހީގައި ރާއްޖޭގެ އެކި ކަންކޮޅުތަކުގައި އިއާދަކުރަނިވި ހަކަތައިގެ މަޝްރޫއުތަކެއް ސަރުކާރުން ދަނީ ހިންގަމުންކަމަށް މިނިސްޓަރ ވިދާޅުވިއެވެ. ރާއްޖެއަށް ބޭނުންވާ ތެޔޮ އެތެރެކުރުމަކީ ބޭރު ފައިސާ އެންމެ ގިނައިން ރާއްޖެއިން ބޭރުވާ އެއް ކަންތައް ކަމުގައިވާއިރު، ރާއްޖޭގައި ތެޔޮ ބޭނުންކުރާ މިންވަރު މަދުކުރެވިއްޖެނަމަ، ތިމާވެށީގެ ގޮތުން ލިބޭ ފައިދާގެ އިތުރުން، ފޮރިން އެކްސްޗޭންޖް މާކެޓުގައި ހުރި މައްސަލަތަކަށް ވެސް ކޮންމެވެސްވަރެއްގެ ލުޔެއް ލިބިގެންދާނެކަމަށް މިނިސްޓަރ ވިދާޅުވިއެވެ.
އަންނަ އަހަރުގެ ބަޖެޓްގައި ތިމާވެށި ރައްކާތެރިކުރުމަށް 1543 މިލިއަން ރުފިޔާ ކަނޑައަޅާފައިވާއިރު ރިކަރަންޓް ޚަރަދުގެ ގޮތުގައި 97 މިލިއަން ރުފިޔާ ޚަރަދުވާނެކަމަށް ވަނީ އަންދާޒާކޮށްފައެވެ. ކެޕިޓަލް ޚަރަދުގެ ގޮތުގައި ހިނގާނީ 1446 މިލިއަން ރުފިޔާއެވެ.
އަންނަ އަހަރުގެ ބަޖެޓްގައި ތިމާވެށީގެ އެކިކަންކަމަށް ބަޖެޓްކޮށްފައިވާ ގޮތަކީ:
