ދުނިޔޭގެ ސްޓްރޯކް ދުވަހާ ގުޅިގެން އައިޖީއެމްއެޗުން ޚާއްސަ ހަރަކާތްތަކެއް ބާއްވަން ނިންމައިފިއެވެ.
އައިޖީއެމްއެޗުން ބުނީ; ދުނިޔޭގެ ސްޓްރޯކް ދުވަހާ ގުޅިގެން އައިޖީއެމްއެޗްގެ ނާރުގެ ޑިޕާޓްމަންޓުން އިންތިޒާމް ކޮށްގެން ދުވަހާގުޅޭ މައުލޫމާތު ދިނުމާއި ތަފާތު ހަރަކާތްތައް ހިންގުމަށް ނިންމާފައިވާ ކަމަށެވެ. އެގޮތުން ޚާއްސަ ހަވީރެއް ބާއްވަން ނިންމާފައިވާ ކަމަށް އައިޖީއެމްއެޗުން ބުނެއެވެ.
މި ހަރަކާތްތައް ކުރިއަށް ގެންދަން ހަމަޖެހިފައި ވަނީ ހުޅުމާލެ ސެންޓްރަލް ޕާކުގައި ހަވީރު 4:00ގައެވެ.
މި ހަރަކާތްތަކުގެ ތެރޭގައި "އޮން ދަ ސްޕޮޓް ހެލްތު ސްކީނިންގ"އާއި މައުލޫމާތު ދިނުން, އަދި ކުޑަކުދިންނަށް ޚާއްސަ މަޖާ ކުޅިވަރުތަށް ހިމެނެއެވެ. މި ހަރަކާތްތަށް ބާއްވަން ހަމަޖެހިފައިވަނީ 29 އޮކްޓޯބަރ ގައެވެ.
