ފާޑުކިޔުންތައް ބޮޑުވެ، ލައިފް ޖެކެޓް ނުހުންނަ އުޅަނދުތަކުގެ ހުއްދަ ބާތިލުކުރަން ނިންމައިފި
19 އޮކްޓޯބަރު 2021 | އަންގާރަ 17:52ކަންތައްތައް ފުރިހަމަ ކޮށްފައިނުވާނަމަ، އުޅަނދަށް ދޫކޮށްފައިވާ ސީވާދިނަސް ސެޓްފިކެޓް ބާތިލު ކުރެވޭނެ
ޓްރާންސްޕޯރޓް މިނިސްޓަރ ޢާއިޝަތު ނަޙުލާ
ލައިފް ޖެކެޓް ނުހުންނަ އުޅަނދުފަހަރަށް ދޫކޮށްފައިވާ ހުއްދަ ބާތިލުކުރަން ނިންމާފައިވާކަމަށް ޓްރާންސްޕޯޓް އޮތޯރިޓީން ބުނެފިއެވެ.
ރާއްޖޭގެ މޫސުން ގޯސްވެ, ކަނޑުމަތީގެ ނުރައްކާތެރި ހާދިސާތައް ހިނގައި, އުމުރުން 33 އަހަރުގެ އަންހެނެއްގެ ފުރާނަ ގެއްލި, އަދި ކަނޑަށް ވެއްޓުނު ކުޑަކުއްޖެއް އަދިވެސް ހޯދަމުންދާއިރު, ލައިފް ޖެކެޓް އެޅުމަށް މަޖުބޫރު ނުކޮށްގެން އެކަމުގެ ފާޑުކިޔުންތައް ޓްރާންސްޕޯޓް މިނިސްޓްރީއަށް ވަނީ ވަރަށް ބޮޑަށް އަމާޒުވެފައެވެ.
2019 ވަނަ އަހަރު ހދ ނޮޅިވަރަންފަރުން ފުރައިގެން ހަނިމާދޫއަށް ދަތުރުކުރި ލޯންޗް ބަންޑުން ޖަހާލި ހާދިސާގައި 5 މީހެއްގެ ފުރާނަ ގެއްލުމާ ގުޅިގެން, ކަނޑުގައި ދުއްވާ އުޅަނދުފަހަރުގެ ގަވާއިދަށް އިސްލާހުތަކެއް ގެނައުމަށް ވަނީ ލަފާދީފައެވެ. އެއިސްލާހުތަކުގެ ތެރޭގައި, ލައިފް ޖެކެޓް އެޅުން މަޖުބޫރުކުރުންވެސް ހިމެނެއެވެ. ނަމަވެސް މިއަދާ ހަމައަށްވެސް އެގަވާއިދުތަކަށް ބަދަލުތަކެއް ގެނެސްފައެއްނުވެއެވެ.
އޭގެފަހުން ޓްރާންސްޕޯޓް އޮތޯރިޓީން މިވަނީ އުޅަނދުފަހަރުގެ ސަލާމަތާބެހޭ ގަވާއިދަށް އިސްލާހުތަކެއް ގެނެސް ގެޒެޓްގައި ޝާއިއުކޮށްފައެވެ. އަންނަ އަހަރުގެ ޖެނުއަރީ މަހުގެ 16 ވަނަ ދުވަހުގެ ކުރިން, ވަކިކަންތައްތަކެއް އުޅަނދުތަކުގައި ފުރިހަމަކުރުމަށް ވަނީ އިސްލާހުތަކެއް ގެނެސްފައެވެ. އެގޮތުން ހުރި ކަންކަމަކީ:
ޓްރާންސްޕޯޓް އޮތޯރިޓީން ބުނީ މިކަންތައްތައް ފުރިހަމަ ކޮށްފައިނުވާނަމަ އުޅަނދަށް ދޫކޮށްފައިވާ ސީވާދިނަސް ސެޓްފިކެޓް ބާތިލް ކުރެވޭނެކަމަށެވެ.
