ވިއްސާރާއިގައި އުލިގަމު ފެންބޮޑުވެ، ބޮޑަތި ގެއްލުންތަކެއް

ރާއްޖެއަށް މިހާރު ކުރަމުންދާ ވިއްސާރާއިގައި ހއ. އުލިގަމަށް ބޮޑަތިގެއްލުން ގެއްލުންތަކެއް ވެއްޖެއެވެ.

ރާއްޖެއެމްވީއަށް މައުލޫމާތުދެއްވަމުން އުލިގަމު ކައުންސިލްގެ ރައީސް އިމާދު އިބްރާމް ވިދާޅުވީ އަންގާރަ ދުވަހުގެރެއިން ފެށިގެން ބުދަ ދުވަހުގެ މެންދުރާ ހަމައަށް އެރަށަށް ގަދަ ވަޔާއި އެކު ބޯކޮށް ވާރޭވެހި ރަށުގެ ބައެއް ސަރަހައްދުތަކުގައި ފެންބޮޑުވެފައިވާ ކަމަށެވެ. އެ ސަރަހައްދުތަކުގެ ފެން ހިއްކުމުގެ މަސައްކަތް މިހާރު ފުލުހުންނާއި ސިފައިންގެ އިތުރުން ރަށުގެ ޒުވާނުން ކުރަމުން އަންނަ ކަމަށް އެނާ ބުންޏެއެވެ.

"ރަށުގެ ތިން ސަރަހައްދެއްގައި މި ވަނީ ފެންބޮޑުވެފައި، މިހާރު ވެސް ފެން ހިއްކުމުގެ މަސައްކަތް އަޅުގަނޑުމެން މި ކުރަނީ، ފެންބޮޑުވެފައި ވަނީ ރަށުގެ އުތުރު ކޮޅު ކައުންސުލް އިދާރާ ކައިރީގެ ގެތަކާއި، ޕަވާ ހައުސް ހުންނަ ސަރަހައްދުގައި މި ވަނީ ފެންބޮޑުވެފައި" އިމާދު ރާއްޖެއެމްވީއަށް މައުލޫމާތުދެއްވަމުން އިމާދު ވިދާޅުވިއެވެ.

އުލިގަމުގެ މަގުމަތީގައި ފެންބޮޑުވެފައި

ފެންބޮޑުވެފައިވާ ސަރަހައްދުތަކުގައި ތިން ފޫޓަށް ވުރެ މައްޗަށް ފެންބޮޑުވެފައިވާކަން ފާހަގަކުރަމުން އިމާދު ވިދާޅުވީ ފެންބޮޑުވި ބައެއް ގޭގޭގެ ހިފާގެންގުޅޭ ތަކެއްޗަށް ވެސް އެކި ވަރުގެ ގެއްލުން ލިބިފައިވާ ކަމަށެވެ. އަދި ގޭގޭގެ ގޯތި ތެރޭގައި ހުރި ގަސްތަށް ވެއްޓި ބައެއް ގެތަކަށް ގެއްލުން ލިބިފައިވާ ކަމަށް އެނާ ވިދާޅުވިއެވެ.

112 ހެކްޓަރުގެ ބިންބޮޑު އުލިގަމުގެ ދަނޑު ބިންތަކަށް ވެސް ބޮޑަތި ގެއްލުން ލިބިފައިވާ ކަމަށް އިމާދު ވިދާޅުވިއެވެ. ބައެއް ދަނޑުތަކުގައި ހަދާފައި ހުރި ކޮށިތަށް ގަސްތަށް މައްޗަށް ވެއްޓި، ވައިގަދަވެ ފެންބޮޑިވުމުނު ގިނަ ދަނޑު ބިންތަކަކަށް ގެއްލުން ލިބިފައިވާ ކަމަށް އޭނާ ވިދާޅުވިއެވެ.

އުލިމަގުގެ ދަނޑުތަކަށް ބޮޑަތި ގެއްލުންތަކެއް ވަނީ ލިބިފައި

"ދަނޑުތަކަށް މި ވަނީ ވަރަށް ބޮޑަތި ގެއްލުންތަކެއް ލިބިފައި، ހާއްސަކޮށް މި ރަށުގެ ގިނަ މީހުންނަކީ ދަނޑުވެރިކަން ކޮށްގެން އާންމުދަނީ ހޯދާ މީހުން، ބޮޑަތި ކާރާ ދަނޑުތަކާއި ފަޅާ އަދި މިރުސް ދަނޑުތަކަށް އެ ވަނީ ވަރަށް ބޮޑަށް ގެއްލުން ލިބިފައި" އިމާދު ވިދާޅުވިއެވެ.

އިމާދު ވިދާޅުވި ގޮތުން އެރަށުގެ ރައްޔިތުންނަން ލިބުނު ގެއްލުންތަކުގެ ތަފްސީލް އަދި ނޭގޭ ކަމަށެވެ. އެހެންނަމަވެސް އެރަށުގެ ކައުންސިލް އިދާރާއިން ކަމާއި ބެހޭ މުއައްސަސާތަކުގެ އެހީތެރިކަމާއި އެކު ލިބުނު ގެއްލުނުގެ ތަފްސީލް ހޯދާނެ ކަމަށް އެނާ ވިދާޅުވިއެވެ.