ވަކި މާއްދާތަކުން ދުނިޔޭގެ އެއްވަނަ 37 ދަރިވަރަކަށް!
ޓޮޕްޓެންގައި 219 ދަރިވަރުން ހިމެނިފައިވޭ
2019 ވަނަ އަހަރުގެ ޓޮޕް އެޗީވަރސް އެވޯޑް ހޯދި ދަރިވަރުން
2019 ވަނަ އަހަރުގެ މަތީސާނަވީ އިމްތިހާނުގެ ވަކިވަކި މާއްދާތަކުން ދުނިޔޭގެ އެއްވަނައިގައި 37 ދަރިވަރަކު ހިމެނިއްޖެއެވެ.
2019 ވަނަ އަހަރުގެ މަތީ ސާނަވީ އިމްތިހާނުގައި އެންމެ ރަނގަޅު ނަތީޖާ ހޯދި ދަރިވަރުންނަށް އިނާމާއި ހަނދާނީ ލިއުން ދިނުމަށް "ޓޮޕް އެޗީވަރސް އެވޯޑް" ޖަލްސާ އާދިއްތަ ދުވަހުގެރޭ ވަނީ ބާއްވާފައެވެ.
ތާޖުއްދީން ސްކޫލުގައި ބޭއްވި މި ޖަލްސާ ޝަރަފްވެރިކޮށްދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި އަނބިކަނބަލުން ފަޒްނާ އަހުމަދުއެވެ.
2019 އަހަރުގެ މަތީސާނަވީ އިމްތިހާންތަކުގެ ޓޮޕްޓެންގައި 219 ދަރިވަރުން ހިމެނިފައިވެއެވެ. މީގެ ތެރެއިން ވަކިވަކި މާއްދާ ތަކުން ރާއްޖޭގެ އެއްވަނަ ނުވަތަ (ޓޮޕް އިން މޯލްޑިވްސް)ގައި 19 ދަރިވަރުން ހިމެނިފައިވެއެވެ. ވަކިވަކި މާއްދާ ތަކުން ދުނިޔޭގެ އެއްވަނައިގައި 37 ދަރިވަރުން ވަނީ ހިމެނިފައެވެ.
2019 ވަނަ އަހަރުގެ ޓޮޕްޓެންގެ 1 ވަނައިގައި 5 ދަރިވަރުންވަނީ ހިމެނިފައެވެ. 2019ވަނަ އަހަރު ބޭއްވުނު މަތީ ސާނަވީ އިމްތިހާންތަކުގައި 20 ސެންޓަރަކުން ބައިވެރިވެފައިވެއެވެ.
