ކަސްޓަމްސްއިން ގިނަ އަދަދެއްގެ ބަނގުއާވި ނައްތާލައިފި
މިތަކެތި ނައްތާލާފައިވަނީ 14 އޮކްޓޯބަރުގައި
ބަނގުއާވިފުޅިތައް ނައްތާލަނީ
ކަސްޓަމްސްގެ ބެލުމުގެ ދަށުގައި ހުރި ގިނަ އަދަދެއްގެ ބަނގުއާވި ނައްތާލައިފިއެވެ.
މިތަކެތި ނައްތާލާފައިވަނީ 14 އޮކްޓޯބަރު 2021 ވަނަ ދުވަހު ކ. ތިލަފުށީގެ ސައިޓްގައި ކަސްޓަމް އޮފިސަރުންގެ ހާޒިރުގައެވެ.
ކަސްޓަމްސްއިން ބުނީ ނައްތާލާފައިވަނީ 5040 ބަނގުއާވިފުޅި ކަމަށެވެ.
މިތަކެއްޗަކީ ކަސްޓަމްސްގެ އާންމު ގަވާއިދުގެ 422 ވަނަ މާއްދާގެ ދަށުން އެކަށައެޅިފައިވާ، ރާއްޖެއަށް އެތެރެކުރަން އުޅެނިކޮށް ހިފެހެއްޓޭ މަނާތަކެތި ކަސްޓަމްސްއިން ނައްތާލުމުގައި އަމަލުކުރާ އުސޫލުގެ ދަށުން ނައްތާލެވުނު ތަކެއްޗެވެ. އެކިއެކި ސަބަބުތަކާހުރެ ކަސްޓަމްސްއިން ހިފަހައްޓާފައި ހުންނަ ތަކެތި ކަނޑައެޅިފައވާ އުސޫލުގެ ދަށުން ނައްތާލެވިދާނެކަމަށް ކަސްޓަމްސްގެ އާންމު ގަވައިދުގައި ބަޔާންކޮށްފައިވެއެވެ.
ދޭތެރެދޭތެރެއިން ކަސްޓަމްސްއިން ދަނީ ގިނަ އަދަދެއްގެ ބަނގުއާވި ނައްތާލަމުންނެވެ. އެގޮތުން ދާދި ފަހުން 15،000 ލީޓަރު ނައްތާލާފައިވެއެވެ.
