ޑިމޮކްރަސީއަށް ހަރުދަނާ އިޤްތިޞާދެއް ބިނާ ކުރަންޖެހޭ ކަމަށް ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ބުރާސްފަތި ދުވަހު ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ގައުމީ ދުވަހާ ބައްދަލުކުރިއިރު މެލޭރިއާއަށް ވެކްސިނެއް ހޯދުމަކީ ދިވެހިންނަށް ވެސް ލިބުނު އުފާވެރި ޚަބަރެއްް ކަމަށެވެ. ފުރިހަމަ ސިއްހަތެއްގައި ދެމިތިބުމަކީ މުހިންމުކަމެއްކަން އެމަނިކުފާނު ފާހަގަކުރެއްވިއެވެ.
ރައީސް ނަޝީދު ވިދާޅުވީ އިންސާފުވެރިކަމާއެކު ރަނގަޅު ޑިމޮކްރަސީއަކާއި ހަރުދަނާ އިޤްތިޞާދެއް ބިނާކުރުމަކީ ބޭނުންތެރި، މުހިންމު ކަމެއް ކަމަށެވެ. އަދި ނުގުޑާ ފަދަ ގައުމިއްޔަތުކަމެއް ހުންނަން ޖެހޭކަމަށް ރައީސް ނަޝީދު ވިދާޅުވިއެވެ.
ރަނގަޅު ޑިމޮކްރަސީއަކާއި ހަރުދަނާ އިޤްތިޞާދެއް ބިނާކުރުމަކީ ބޭނުންތެރި، މުހިންމު ކަމެއް ކަމަށް ރައީސް ނަޝީދު ވިދާޅުވިއިރު އެމަނިކުފާނަކީ އަބަދުވެސް ހަރުދަނާ ޑިމޮކްރަސީއެއް ގާއިމްކުރުމަށް މަސައްކަތް ކުރައްވާ ބޭފުޅެކެވެ.
ރައީސް ނަޝީދު ދިރިއުޅުއްވާ ކެނެރީގެ ކައިރީގައި، ސައިކަލެއްގައި ހަރުކޮށްފައިވާ އައިއީޑީއެއް ގޮއްވާލުމުން އެމަނިކުފާނުގެ ހަށިކޮޅަށް ލިބިވަޑައިގެންނެވި އަނިޔާތަކަށް އޭޑީކޭ ހޮސްޕިޓަލުގައި ފަރުވާ ހޯދެވުމަށްފަހު އިތުރު ފަރުވާ ހޯއްދެވުމަށް ޖަރުމަންވިލާތަށް ވަޑައިގެންނެވިއެވެ. ޖަރުމަނުވިލާތުން ފަރުވާ ހޯއްދެވުމަށްފަހު، މިހާރު ފަރުވާ ހޯއްދަވަމުން ގެންދަވަނީ އިނގިރޭސިވިލާތުންނެވެ.
މި ހަމަލާ ރާވައި ހިންގި ފަރާތްތަކުގެ ތަހުގީގު އަދިވެސް ނުނިމި ކުރިއަށްދާކަމަށް ދިވެހި ފުލުހުންގެ ޚިދުމަތުން ބުނެފައިވުމާއެކު, އެ ތަހުގީގު ނިމި، އެކަންރާވައި ހިންގި ފަރާތްތައް އިންސާފުގެ ކުރިމައްޗަށް ގެނެވި، ހައްޔަރު ނުކުރަނީސް އެމަނިކުފާނު ރާއްޖެ ވަޑައިގަތުމަކީ އެމަނިކުފާނުގެ އާއިލާއާއި ހެޔޮއެދޭ އެތައް ބަޔަކާއި، އަދި އެމަނިކުފާނު ވެސް ޖެހިލުންވެވަޑައިގަންނަވާ ކަމެއްކަން ފާހަގަކުރައްވައި ރައީސް ނަޝީދު ވަނީ ރާއްޖެ ވަޑައިނުގެން މަޑު ކުރެއްވުމަށް ނިންމަވާފައެވެ.
