މެމްބަރު ނާޒިލް، އަސްލަމަށް ޖިންސީ ފުރައްސާރަކުރިކަމަށް ބުނާ މައްސަލައެއް ހުށަހަޅައިފި
މިމައްސަލައަކީ އަސްލަމާމެދު ހިތްހަމަޖެހިވަޑައިނުގެން ނާޒިލް ޖިންސީ ފުރައްސާރައަކަށްވާ އަމަލެއް ކުރައްވައި، "މި ވީޑިއޯކޮށްބަލާށޭ" ވިދާޅުވި މައްސަލައެއް
ހިތަދޫ ދެކުނު ދާއިރާގެ މެމްބަރު އިބްރާހީމް ނާޒިލް
ރައްޔިތުންގެ މަޖިލީހުގެ ހިތަދޫ ދެކުުނު ދާއިރާގެ އެމްޑީޕީ މެމްބަރު އިބްރާހީމް ނާޒިލް، ހިތަދޫ އުތުރު ދާއިރާގެ އެމްޑީޕީ މެމްބަރު މުޙައްމަދު އަސްލަމަށް، ޖިންސީ ފުރައްސާރަކުރިކަމަށް ބުނާ މައްސަލައެއް ހުށަހަޅައިފިއެވެ.
މައުލޫމާތު ލިބިފައިވާ ގޮތުގައި މިމައްސަލައަކީ އަސްލަމާމެދު ހިތްހަމަޖެހިވަޑައިނުގެން ނާޒިލް ޖިންސީ ފުރައްސާރައަކަށްވާ ޢަމަލެއް ކުރައްވައި "މި ވީޑިއޯ ކޮށްބަލާށޭ" ވިދާޅުވި މައްސަލައެކެވެ. މަޖިލީހުގެ އިދާރާގެ ތެރޭގައި ނާޒިލް އެގޮތަށް ކަންތައް ކުރެއްވުމުން އެ މައްސަލަ ބަލައިދޭން އެދިވަޑައިގެން ސެކްރެޓޭރިއަޓަށް ހުށަހެޅުއްވީ ހެންވޭރު ދެކުނު ދާއިރާގެ އެމްޑީޕީ މެމްބަރު ޙުސަައިން ޝަމީމް (އަނދުން ހުސައިން)އެވެ.
މިކަމާއި ގުޅޭގޮތުން "ރާއްޖެ އެމްވީ"އާ ވާހަކަދައްކަވަމުން މަޖިލީހުގެ މީޑިއާ ޑިރެކްޓަރު ޙަސަން ޒިޔާއު ވިދާޅުވީ މެމްބަރެއްގެ ސިޓީއެއް މަޖިލީހަށް ލިބިފައިވާ ކަމަށާއި "މެމްބަރުން ހުށަހަޅުއްވާ މައްސަލަތައް އޮންނަ އުސޫލުން ކުރިއަށްދާނެ" ކަމަށެެވެ.
އެނގިފައިވާ ގޮތުގައި މިކަން ހިނގީ އެމްޑީޕީގެ އެތެރޭގެ އިންތިހާބުގައި ނާޒިލް ވޯޓްފޮއްޓެއް ކައިރީ، ޝައްކުވާ ގޮތަކަށް އުޅުއްވާ މަންޒަރު ފެންނަ ވީޑިއޯއެއް އާންމުވެފައިވާތީއެވެ. އެމްޑީޕީގެ އިންތިޚާބުގައި ހިތަދޫ ދެކުނު ދާއިރާގެ ރައީސްކަމަށް ވާދަކުރައްވާ ނާޒިލަށް ވަނީ ނާކާމިޔާބީއާ ކުރިމަތިވެވަޑައިގެންފައެވެ.
އެ ދާއިރާގެ އިންތިހާބު ކާމިޔާބުކުރެއްވީ އައްޑޫ މޭޔަރު ޢަލީ ނިޒާާރުގެ ކޮއްކޮ އަންޞާރު މޫސާއެވެ.
