ދީނީ މިނިވަންކަމަށް ގޮވާލައި ޖާބިރު ދެއްކެވި ވާހަކަ މަޖިލީހުން ބަލަނީ
ޖާބިރު ދައްކަވާފައިވާ ވާހަކަތަކަށް ބެލުމަށްފަހު ފިޔަވަޅެއް އަޅަންޖެހޭތޯ ބަލާނެ
ކާށިދޫ ދާއިރާގެ މެމްބަރ ޢަބްދުﷲ ޖާބިރު
ރާއްޖޭގައި އެހެން ދީންތަކުގެ މީހުން އައިސް އަޅުކަން ކުރެވޭގޮތަށް ހަމަޖެހިފައި އޮންނާނެކަމަށް ވިދާޅުވެ ކާށިދޫ ދާއިރާގެ މެމްބަރ ޢަބްދުﷲ ޖާބިރު ދެއްކެވި ވާހަކަ ރައްޔިތުންގެ މަޖިލީހުގެ އިދާރާއިން ބަލަން ފަަށައިފިއެވެ.
ބުދަ ދުވަހު ކުރިޔަށްދިޔަ ރައްޔިތުންގެ މަޖިލީހުގެ ޖަލްސާގައި ހެއްކާ ބެހޭ ބިލަށް ވާހަކަދައްކަވަމުން ޖާބިރު ވަނީ ހޮނޑައިދޫ މައްސަލައާ ގުޅޭގޮތުން އެންމެ ފުރަތަމަ ވާހަކަދައްކަވާފައެވެ. އެއަށްފަހު ޖާބިރު ވިދާޅުވީ ރާއްޖޭގައި ތިބި މީހުންނަކީ އެކި ގައުމުތަކުން އައިސްފައިތިބި މީހުންކަމަށެވެ. އަދި ޒަމާނާ އެއްގޮތަށް ރީތި އެއްޗެހި ލައިގެން ތިއްބަސް ތަހުޒީބުވާންޖެހޭ ކަމަށް ވިދާޅުވެ ޖާބިރު ވަނީ ރާއްޖޭގައި "ޔުނިވަރސަލް ޕްރެކްޓިސް"އަށް ޖާގަދޭންވާނެކަމަށް ވިދާޅުވެފައެވެ.
ޖާބިރު މިމޭރުމުން ވާހަކަދައްކަވާފައި ވާއިރު ރާއްޖޭގެ ގިނަ ދީނީ ޢިލްމުވެރިންގެ އިތުރުން އާންމުންވެސް ގެންދަނީ ޖާބިރު ދެއްކި ވާހަކަ ކުށްވެރިކުރަމުންނެވެ.
ޖާބިރު ދެއްކެވި ވާހަކަ މަޖިލީހުގެ އިދާރާއިން އިސްނަގައިގެން ބަލަމުން އަންނައިރު އެކަމާ ގުޅޭގޮތުން "ރާއްޖެ އެމްވީ"އަށް މައުލޫމާތު ދެއްވަމުން ރައްޔިތުންގެ މަޖިލީހުގެ ކޮމިޔުނިކޭޝަންސް ޑިރެކްޓަރ ޙަސަން ޒިޔާއު ވިދާޅުވީ, އެކަން މަޖިލީހުގެ އިދާރާއިން ބަލަމުން އަންނަކަމަށެވެ. ޖާބިރު ދައްކަވާފައިވާ ވާހަކަތަކަށް ބެލުމަށްފަހު ފިޔަވަޅެއް އަޅަންޖެހޭތޯ ބަލާނެކަމަށް ޒިޔާއު ވިދާޅުވިއެވެ. ނަމަވެސް އެމައްސަލަ ބަލާ ނިމޭނެ ދުވަހެއް ނޭނގޭކަމަށް ޒިޔާއު ވިދާޅުވިއެވެ.
ރައްޔިތުންގެ މަޖިލީހުގައި މެމްބަރަކު ދައްކަވާ ވާހަކަތަކަށް ގާނޫނު އަސާސީން އިމްތިޔާޒުތަކެއް ލިބިފައިއޮވެއެވެ. އެގޮތުން މަޖިލީހުގެ މެމްބަރުންނަށް ލިބިދީފައިވާ އިމްތިޔާޒްތަކުގެ ދަށުން, މެމްބަރަކު މަޖިލީހުގެ ޖަލްސާއެއްގައި ނުވަތަ ކޮމިޓީއެއްގައި ދައްކަވާ އެއްވެސް ވާހަކައަކާ ގުޅިގެން ތަހުގީގެއް ހިންގައި، ދަޢުވާކޮށް، ކޯޓަށް ހާޒިރު ނުކުރެވޭނެ ކަމަށް ގާނޫނު އަސާސީގައި ވަނީ ބަޔާންކޮށްފައެވެ. ނަމަވެސް އެ އިމްތިޔާޒް ލިބޭނީ އިސްލާމްދީނުގެ އަސްލަކާ ޚިލާފުނުވާ ގޮތަށް މެމްބަރުން ދައްކަވާ ވާހަކަތަކަށްކަމަށްވެސް ގާނޫނު އަސާސީގައި ބަޔާންކޮށްފައިވެއެވެ.
ގާނޫނު އަސާސީގެ 90 ވަނަ މާއްދާއަކީ އިމްތިޔާޒާ ގުޅުންހުރި މާއްދާއެވެ. އެމާއްދާގެ ހ ގައި ބުނަނީ:
