އިހްތިޖާޖު ހުއްޓާލައިފި، މޯލްޑިވިއަންގެ ޕައިލެޓުންނާ ރައީސްގެ ބައްދަލުވުމެއް ކުރިޔަށްދަނީ
12 ސެޕްޓެމްބަރު 2021 | އާދީއްތަ 07:36ރައީސްއާއެކު މިހާރު ބައްދަލުވުން ކުރިޔަށް އެބަދޭ
މޯލްޑިވިއަންގެ ބޯޓެއް
ކޮވިޑް19 އާ ގުޅިގެން ކުޑަކުރި މޯލްޑިވިއަންގެ ޕައިލެޓުންގެ މުސާރަ ކުރިން ހުރިވަރަށް އަލުން އިއާދަ ނުކޮށްދީގެން ކުރަމުންއައި އިހްތިޖާޖް ނިމުމަކަށް ގެނެސް ރައީސުލްޖުމްހޫރިއްޔާ އިބުރާހިމް މުހައްމަދު ޞާލިހާއެކު ބައްދަލުވުމެއް މިހާރު ކުރިޔަށްދާ ކަމަށް ރާއްޖެއެމްވީއަށް މައުލޫމާތު ލިބިއްޖެއެވެ.
މި ބައްދަލުވުން ރައީސުލްޖުމްހޫރިއްޔާގެ އޮފީހުގައި ކުރިޔަށްދާއިރު ޕައިލެޓުންގެ މުސާރަ އަންނަ ޖެނުއަރީ މަހުން ފެށިގެން ކުރިން ހުރިވަރަށް އަލުން އިއާދަ ކުރާނެކަމުގެ ޔަގީންކަން އިހްތިޖާޖްކުރި ޕައިލެޓުންނަށް ކުންފުނިން ދީފައިވާ ކަމަށް ބައެއް މީޑިއާތަކުން ރިޕޯޓް ކޮށްފައިވެއެވެ.
ޕައިލެޓުންގެ އިހްތިޖާޖާގުޅިގެން އައިލެންޑް އޭވިއޭޝަނުގެ ވެރިންވަނީ ޕައިލެޓުންގެ ކަންބޮޑުވުންތަކާ ގުޅިގެން އެފަރާތްތަކާ މީގެކުރިން ބައްދަލުކޮށް ޕައިލެޓުންގެ ޝަކުވާތައް އަޑުއަހާފައެވެ. އަދި މުސާރައިގެ މައްސަލަ ހައްލުނުވެ ދިގުލައިގެންދިޔައީ ކޮވިޑް19 އާ ގުޅިގެން ކަމަށް ވިދާޅުވެފައެވެ.
