އިންޑިއާގައި ފެތުރެމުން އަންނަ ގޮތް ނޭނގޭ ބަލީގެ އަސްލު ހޯދައިފި
މިއީ ތަފާތު ދެ ބައްޔެއްކަން ވަނީ އެނގިފައި
އިންޑިއާގައި ގޮތް ނޭނގޭ ބައްޔެއް ޖެހިފައިވާ ކުއްޖެއް
އިންޑިއާގެ އުއްތަރަ ޕްރަދޭޝްގައި ފެތުރެމުން އަންނަ ގޮތް ނޭނގޭ ބަލީގެ އަސްލު އެގައުމުން ހޯދައިފިއެވެ.
އުއްތަރަ ޕްރަދޭޝްއިން މި ބަލީގެ ފުރަތަމަ ކޭސް ރިޕޯޓްކޮށްފައިވަނީ މިދިޔަ މަހުގެ 18 ވަނަ ދުވަހުއެވެ.
ބަލި ފެތުރެން ފެށުމާއެކު މި ބަލީގެ އަސްލު ހޯދުމަށް ކުރި ދިރާސާތަކުން ދެނެގަނެވުނު ގޮތުގައި މި ބައްޔަކީ ތަފާތު ދެބައްޔެއްކަން ވަނީ އެނގިފައެވެ. އެގޮތުން ބަލީގެ އެއް ބާވަތަކީ ބެކްޓީރިއާގެ ސަބަބުން ޖެހޭ ބައްޔަކަށް ވާއިރު، އަނެއް ބައްޔަކީ ވައިރަހެއްގެ ސަބަބުން ޖެހޭ ބައްޔެކެވެ. އެއީ ޑެންގީ އަދި ސްކްރަބް ޓައިފަސްއެވެ.
މި ބަލީގެ އަލާމަތްތަކުގެ ތެރޭގައި ހުން އައުމާއި ބޮލުގައި ރިއްސުން އަދި ގައިގައި ރިއްސުން ހިމެނެއެވެ.
އުއްތަރަ ޕްރަދޭޝްގައި ފެތުރެމުން ދަނީ އެ ދެބަލިކަން ޔަގީންވުމުގެ ކުރިން އެ ދެ ބަލި ޖެހިގެން ފާއިތުވި ދުވަސްތަކުގައި 100ށް ވުރެ ގިނަ މީހުން ވަނީ މަރުވެފައެވެ. އޭގެ ތެރޭގައި 40 ކުޑަކުދިންވެސް ހިމެނެއެވެ. އަދި މި ބަލި ޖެހިގެން މިހާރުވެސް ދުވާލަކަށް 100ށްވުރެ ގިނަ ކޭސް ރިޕޯޓް ކުރާ ކަމަށް އިންޑިއާގެ ސިއްހަތާބެހޭ ވުޒާރާއިން ވަނީ ބުނެފައެވެ.
