"ހިޓްސް" އަދި "ހިޓްސް މޫވީސް" މިހާރު މީޑިއާނެޓުން ބަލައިލެވޭނެ
ކަސްޓަމަރުންނަށް ހޮލީވުޑް އަދި ބައިނަލްއަގުވާމީ މަޝްރަހުގައި މަގުބޫލުކަން ހޯދާފައިވާ ތަފާތު ފިލްމުތަކާއި ސީރީސްތައް ބަލައިލެވޭނެ
މީޑިއާނެޓުން މިވަނީ އަނެއްކާވެސް އައު ދެ ޗެނަލް ތައާރަފުކޮށްފައި
"ހިޓްސް" އަދި "ހިޓްސް މޫވީސް" މިހާރު މީޑިއާނެޓުން ބަލައިލެވޭނެ ކަމަށް އެކުންފުނިން ބުނެފިއެވެ.
މީޑިއާނެޓުން ބުނީ މުނިފޫހިފިލުވުމުގެ އިތުރު ދެ ޗެނަލެއް މިހާރު ތައާރަފުކުރެވިފައިވާ ކަމަށާއި، "ހިޓްސް" އަދި "ހިޓްސް މޫވީސް" ޗެނަލުން ކަސްޓަމަރުންނަށް ހޮލީވުޑް އަދި ބައިނަލްއަގުވާމީ މަޝްރަހުގައި މަގުބޫލުކަން ހޯދާފައިވާ ތަފާތު ފިލްމުތަކާއި ސީރީސްތައް ބަލައިލެވޭނެ ކަމަށެވެ.
އެގޮތުން މީޑިއާނެޓްގެ ޗެނަލް 813ން "ހިޓްސް" ޗެނަލް ބަލައިލެވޭނެ ކަމަށާއި މި ޗެނަލުން ތަފާތު އެކި ޖޯންރާތަކުގެ ސީރީސް އަދި ފިލްމު ބަލައިލެވޭނެ ކަމަށް އެ ކުންފުނިން ފާހަގަކުރެއެވެ. އެގޮތުން ހިސްޓްސް ޗެނަލުން ގެނެސްދޭ މަޝްހޫރު ސީރީސްތަކުގެ ތެރޭގައި ޝަރލޮކް ހޯމްސް، ދަ ލޫސީ ޝޯ އަދި މައިންޑް ޔުއަރ ލޭންގުއޭޖް ފަދަ ސީރީޒްތައް ބަލައިލެވޭނެއެވެ.
އޭގެ އިތުރުން "ހިޓްސް މޫވީސް" މީޑިއާނެޓްގެ ޗެނަލް 808ން ބަލައިލެވޭނެއެވެ. ހިޓްސް މޫވީސް އިން 60ގެ އަހަރު ތަކުން ފެށިގެން 2000ގެ އަހަރުގެ ތަކާ ހަމައަށް ނެރެފައިވާ ތާފާތު މަޝްހޫރު ބްލޮކްބަސްޓަރ ފިލްމުތައް ގެނެސްދޭނެއެވެ. އޭގެ ތެރޭގައި ފްރީ ވިލީ، ސްކްރީމް އަދި ވައިޓް ޗިކްސް އަދި ސުޕަރމޭން 3 ފަދަ ފިލްމުތައް ހިމެނެއެވެ. ހިޓްސް މޫވީސް އިން ތަފާތު އެކި ޖޯންރާތަކުގެ ފިލްމުުތައް ބެލުންތެރިންނަށް ބަލައިލެވޭނެއެވެ.
މީޑިއާނެޓުން ބުނީ މި ދެ ޗެނަލް ތަޖުރިބާކުރުމުގެ ފުރުސަތު އެކުންފުނީގެ ހުރިހާ ކަސްޓަމަރުންނަށް ދިނުމުގެ ގޮތުން އޮކްޓޫބަރު މަހުގެ 4 ވަނަ ދުވަހުގެ ނިޔަލަށް މީޑިއާނެޓް ޓީވީ ކަސްޓަމަރުންނަށް މި ދެ ޗެނަލަށް ހިލޭ ބެލޭނެކަމަށެވެ. އަދި އެމްއެސްޓީވީ މެދުވެރިކޮށް ވެސް މި ދެ ޗެނަލް ބަލާލެވޭނެ ކަމަށް މީޑިއާނެޓުން ބުނެއެވެ.
މީޑިއާނެޓުން ވަނީ ދާދިފަހުން އެކުންފުނީގެ ކަސްޓަމަރުންނަށް ދެކުނު ކޮރިއާގެ މަޝްހޫރު މުނިފޫހިފިލުމުގެ ޗެނަލެއް ކަމަށްވާ ޓީވީއެން ވެސް ތައާރަފުކޮށްފައެވެ.
