އާޗާ ޕްރިޕެއިޑް ކަސްޓަމަރުންނަށް 3 ގުނަ އިތުރު ޑޭޓާ ލިބޭ ޚާއްސަ އޮފަރއެއް

އުރީދޫ އިން އާޗާ ޕްރިޕެއިޑް ކަސްޓަމަރުންނަށް 3 ގުނަ އިތުރު ޑޭޓާ ލިބޭ ޚާއްސަ އޮފަރ އެއް ފަށައިފިއެވެ.

އުރީދޫ އިން ބުނީ މި އޮފަރ މެދުވެރިކޮށް މުޅި ހަފުތާއަށް ނުވަތަ މުޅި މަހުގެ ނިޔަލަށް 180ޖީބީ އާއި ހަމައަށް ޑޭޓާ އާއިއެކު އަންލިމިޓެޑް އުރީދޫ ކޯލްސް ލިބިގެންދާނެ ކަމަށެވެ. އާޗާ ޕްރިޕެއިޑް ޕްލޭންސް، މާކެޓްގައި ޕްރީޕެއިޑް ކަސްޓަމަރުންނަށް އެންމެ ގިނަ ފައިދާ ލިބޭ ޕްލޭންތައް މި އޮފަރ އާއިއެކު އިތުރަށް ފުރިހަމަވެފައިވާ ކަމަށް އުރީދޫން ބުނެއެވެ.

މި ލޯންޗްކުރެވުނު އާޗާ ޕްރިޕެއިޑްގެ ޚާއްސަ އޮފަރ ފަރުމާ ކުރެވިފައިވަނީ ކަސްޓަމަރުންނަށް ކޮންމެ ތާކު، ކޮންމެ ވަގުތެއްގައިވެސް އާއިލާ އާއި ރައްޓެހިންނާ ގުޅުވައިދީ އަދި ސްޓްރީމިންގް ޕްލެޓްފޯރމްތައް މެދުވެރިކޮށް ފިލްމް އަދި ސީރީޒްތައްވެސް އިތުރު ހާސްކަމެއްނެތި ބަލާލެވޭގޮތަށް ކަމަށް އެކުންފުނިން ފާހަގަކުރެއެވެ. އުރީދޫ އިން ބުނީ އާޗާ ޕްރީޕެއިޑް ނަގާ ފަރާތްތަކަށް ލިބޭ ބޯނަސް ޑޭޓާ ވަނީ ރެގިއުލަރ ޑޭޓާގެ އިތުރުން ސޯޝަލް މީޑިއާ އެޕްތައް އަދި ސްޓްރީމިންގް އެޕްތަކަށް ޚާއްސަކޮށް ބަހާލެވިފައިކަމަށެވެ. ސޯޝަލް މީޑިއާ އަދި ސްޓްރީމިންގް އެޕްތަކުގެ ތެރޭގައި ނެޓްފްލިކްސް، އައިފްލިކްސް، ސޮނީލިވް، ޓިކްޓޮކް، ސައުންޑްކްލައުޑް، ސްޕޮޓިފައި، ސްނެޕްޗެޓް، ޓްވިޓަރ، އިންސްޓަގްރާމް، ވީޗެޓް، ވަޓްސްއަޕް، ވައިބަރ، ޓެލަގްރާމް، ފޭސްބުކްގެ އިތުރުން ޕިންޓަރެސްޓް ހިމެނެއެވެ.

އާޗާ ޕްރިޕެއިޑް ޕްލޭންސް އިން ލިބޭ ބޯނަސް އެލަވަންސްތަކުގެ ތެރޭގައި 150 ރުފިޔާއަށް ލިބޭ އާޗާ 1ޖީބީ/ޑޭ ވީކްލީ ޕެކަށް، 7 ދުވަހަށް ދުވާލަކު 3 ޖީބީ ލިބޭނެއެވެ. އެއީ 1 ޖީބީ އާއި 1 ޖީބީ ރެގިއުލަރ ބޯނަސް ޑޭޓާ އަދި ސޯޝަލް މީޑިއާ އާއި ސްޓްރީމިންގްއަށް ލިބޭ 1 ޖީބީ ބޯނަސް ޑޭޓާއެވެ. އަދި އުރީދޫ ނަމްބަރުތަކަށް އަންލިމިޓެޑް ކޯލްސް ލިބޭނެއެވެ.

އާޗާ 1ޖީބީ/ޑޭ މަންތްލީ ޕެކް، 30 ދުވަހަށް ލިބޭ އިރު، މި ޕެކް ލިބޭނީ 500 ރުފިޔާ އަށެވެ. މި ޕެކުން ކަސްޓަމަރުންނަށް މަސްދުވަހަށް 1 ޖީބީ އާއި 1 ޖީބީ ރެގިއުލަރ ބޯނަސް ޑޭޓާ އަދި ސޯޝަލް މީޑިއާ އާއި ސްޓްރީމިންގްއަށް ލިބޭ 1 ޖީބީ ބޯނަސް ޑޭޓާ ލިބޭނެއެވެ. މި ޕެކުންވެސް އުރީދޫ ނަމްބަރުތަކަށް އަންލިމިޓެޑް ކޯލްސް ލިބޭނެއެވެ.

މީގެ އިތުރުން 750 ރުފިޔާއަށް އާޗާ 2ޖީބީ/ޑޭ މަންތްލީ ޕެކް 30 ދުވަހަށް އެކްޓިވޭޓް ކުރެވޭނެއެވެ. މި ޕެކުން ކަސްޓަމަރުންނަށް ދުވާލަކު 6 ޖީބީ ޑޭޓާ ލިބޭނެއެވެ. އެއީ 2 ޖީބީ އާއި 2 ޖީބީ ރެގިއުލަރ ބޯނަސް ޑޭޓާ، ސޯޝަލް މީޑިއާ އާއި ސްޓްރީމިންގްއަށް ލިބޭ 2 ޖީބީ ބޯނަސް ޑޭޓާ އަދި އުރީދޫ ނަމްބަރުތަކަށް އަންލިމިޓެޑް ކޯލްސް ލިބޭނެއެވެ.

އާޗާ ޕްރިޕެއިޑް ޕްލޭންސް އުރީދޫ އެޕް، އެސްއެމްއެސް މެދުވެރިކޮށް އަދި 1#929އަށް ޑައަލް ކޮށްލައިގެން އެކްޓިވޭޓް ކުރެވޭނެއެވެ. އައު ކަސްޓަމަރުން އާޗާ ޕްރިޕެއިޑް ނެގުމަށް އުރީދޫ ޝޮޕް ނުވަތަ އުރީދޫ ޕާރޓްނަރ ޝޮޕެއް މެދުވެރިކޮށް ސްޓޭންޑަރޑް ޕްރީޕެއިޑް ޕްލޭނެއް ބައްލަވައިގަތުމަށްފަހު އުރީދޫ އެޕް، އެސްއެމްއެސް ނުވަތަ 1#929އަށް ޑައަލް ކުރުމުން ޕްލޭން އެކްޓިވޭޓް ކުރެވޭނެ ކަމަށް އުރީދޫން ފާހަގަކުރެއެވެ.