ޠާލިބާނުންނަށް ދުލެއް ނުދޭނަން - މަސްޢޫދް

ޠާލިބާނުންނަށް ދޫ ނުދެއްވާނެ ކަމަށް އަފްޣާނިސްތާނުގެ ކުރީގެ ލީޑަރެއް ކަމަށްވާ އަޙްމަދު ޝާހް މަސްޢޫދުގެ ދަރިކަލުން އަޙްމަދު މަސްޢޫދު ވިދާޅުވެއްޖެއެވެ.

ދުބާއީގެ ޓީވީ ޗެނަލަކަށް ދެއްވި އިންޓަރވިއުއެއްގައި އޭނާ ވިދާޅުވީ ޠާލިބާނުންނަކީ ހަރުކަށި ފިކުރުގެ ބައެއް ކަމަށާއި، އަފްޣާން ރައްޔިތުންނަކީ އެމީހުންގެ ފިކުރަށް ތަބާވާ ބައެއް ނޫން ކަަމަށެވެ. އަދި ޠާލިބާނުން މުސްލިމު އަންހެނުންގެ ހައްގުތައް ނިގުޅައިގަތުމުގެ ބިރުއެބައޮތް ކަމަށްވެސް އޭނާ ވިދާޅުވިއެވެ.

މަސްޢޫދު ވިދާޅުވީ އަފްޣާނިސްތާނުގެ މިލިޓަރީއާއި އެލީޓް ފޯސް މެމްބަރުންނާ ބައްދަލުކޮށްފައިވާ ކަމަށާއި، ޠާލިބާނުންގެ އަތުން ގައުމު ސަލާމަތް ކުރާނެ ގޮތަކާމެދު ވިސްނަމުން އަންނަ ކަމަށެވެ. އަދި މިކަމުގައި އެހެން ގައުމުތަކުގެ އެހީ ބޭނުންވާނެ ކަމަށް ވެސް މަސްޢޫދު ވިދާޅުވިއެވެ.

މަސްޢޫދު ވިދާޅުވީ ޠާލިބާނުން 2001 ވަނަ އަހަރު އެމެރިކާގެ ވޯލްޑް ޓްރޭޑް ސެންޓަރަށް ދިން ހަމަލާގެ ކުރިން އޭނާގެ ބައްޕަ އަޙްމަދު ޝާހް ޝަހީދު ކޮށްލި ކަމަށާއި، ބައްޕަ އެދުވަހު ގައުމުގެ ދިފާއުގައި ތެދުވި ކަމަށެވެ. އަދި މިއަދު އޭނާ މިހުރީ ގައުމުގެ ދިފާއުގައި ޠާލިބާނުންނާ ހަނގުރާމަ ކުރަން ތައްޔާރަށް ކަމަށެވެ.