ފުނަރުގެ އިމްތިހާނު ކުޅުދުއްފުށީގައި ބާއްވައިފި
ފެނަކައިން ބުނީ ކުޅުދުއްފުށީގައި ހިންގި ޕްރޮގްރާމުގައި ބައިވެރިވީ 5 ދަރިވަރުންކަމަށް
މި މަހުގެ 8 ވަނަ ދުވަހު ށ. މިލަންދޫގައި ވެސް މި ޕްރޮގްރާމުގެ އިމްތިހާނެއް ބާއްވާފައިވޭ
ފެނަކަ ކޯޕަރޭޝަން ލިމިޓެޑުން ކުރިއަށް ގެންދާ އެޕްރެންޓިސްޝިޕް ޕްރޮގްރާމް ”ފުނަރު“ގެ އިމްތިހާނު ކުޅުދުއްފުށި ސިޓީގައި ބާއްވައިފިއެވެ.
ފެނަކައިން ބުނީ ކުޅުދުއްފުށީގައި ހިންގި ޕްރޮގުރާމުގައި ބައިވެރިވީ 5 ދަރިވަރުން ކަމަށެވެ. އަދި އޯގަސްޓް މަހުގެ 21 ވަނަ ދުވަހު އެ ޕްރޮގުރާމުގެ ތިއަރީ އިމްތިހާން ހަދާފައިވާ އިރު، އޯގަސްޓް 21ގައި ކުރިއަށް ގެންދިޔައީ ޕްރެކްޓިކަލް އިމްތިހާން ކަމަށެވެ. ފުނަރު ޕްރޮގްރާމް ޖުމުލަ 7 ރަށެއްގައި ކުރިއަށް ގެންދެއެވެ. ކޮންމެ ރަށެއްގައި ވެސް ޕްރޮގްރާމް ނިމުމުން އިމްތިހާނުތައް ކުރިއަށް ގެންދާނެއެވެ. އެގޮތުން މި މަހުގެ 8 ވަނަ ދުވަހު ށ. މިލަންދޫގައި ވެސް މި ޕްރޮގްރާމުގެ އިމްތިހާނެއް ބާއްވާފައިވެއެވެ.
ފެނަކައިގެ ފުނަރު ޕްރޮގްރާމުގެ ދަށުން އިންޖީނު މަރާމާތު ކުރުމާއި މެއިންޓަނެންސްގެ މަސައްކަތްތަކާއި މެކޭނިކަލް މަސައްކަތްތައް ދަސްކޮށްދޭނެއެވެ. އަދި އެ މަސައްކަތްތައް ކުރާ އިރު ސަލާމަތީ ގޮތުން ސަމާލުވާން ޖެހޭ ކަންތައްތަކާއި އެކިއެކި އާލާތްތައް ބޭނުންކުރާނެ ގޮތްވެސް ދަސްކޮށްދޭނެއެވެ.
