ގދ. ގައްދޫ މަގުހެދުމުގެ މަޝްރޫޢުގެ މަސައްކަތުގެ ބޮޑު ބައި ނިމިފައިވާކަމަށް ރޯޑް ޑިވެލޮޕްމެންޓް ކޯޕަރޭޝަނުން ބުނެފިއެވެ.
ގައްދޫ މަގު ހެދުމުގެ މަސައްކަތުގެ އެންމެ ފަހުގެ މަޢުލޫމާތު ހާމަކޮށް އާރުޑީސީން ކުރި ޓުވީޓެއްގައި ވަނީ ގައްދޫ މަގު ހެދުމުގެ މަސައްކަތް ހުއްޓުމެއްނެތި ބާރު ސްޕީޑުގައި ކުރެވެމުންދާކަން ހާމަކޮށްފައެވެ. އާރްޑީސީއިން ވަނީ މަސައްކަތުގެ ބޮޑުބައި މިހާރު ވެސް ނިމިފައިވާ ކަމަށާއި، ވަތަ ބަނޑޭރި މަގުގެ ސައިޑްވޯކް ކޮނެ، ޝަޓަރިންގެ 93 އިންސައްތަ ނިމިފައިވާކަން ހާމަކޮށްފައެވެ. އަދި ކޮންކްރީޓް ކީވޯލްގެ 35 އިންސައްތަ ނިމިފައި ވާކަމަށް ވެސް އާރުޑީސީން ވަނީ ބުނެފައެވެ.
75 މިލިއަނަށްވުރެ ގިނަ ރުފިޔާ ޚަރަދުކޮށްގެން ކުރިއަށްގެންދާ މި މަޝްރޫޢުގެ ދަށުން ފެން ހިންދާ ނިޒާމެއް ޤާއިމުކުރުމުގެ އިތުރުން، ޓްރެފިކް ނިޝާންތައް ކުރެހުމާއި ލައިޓް ހަރުކުރުމުގެ މަސައްކަތް ކުރާނެއެވެ. ގައްދޫއަކީ ގދ. އަތޮޅުގައި ދެވަނަ އަށް އެންމެ އާބާދީ ބޮޑު ރަށެވެ.
