އެގްރޯނެޓާއި އިފާޑް ގުޅިގެން މަސައްކަތް ކުރުމަށް މަޝްވަރާކޮށްފި
އުތުރުގެ ތިން އަތޮޅަކަށް އަމާޒުކޮށްގެން ހިންގަން ރާވާފައި ހުރި ޕްރޮގްރާމްތަކާ ގުޅޭގޮތުން މަޝްވަރާކުރެއްވި
އެގްރޯނެޓް އާއި އިފާޑްއާއި ދެމެދު ބޭއްވި ބައްދަލުވުމުގެ ތެރެއިން
އިންޓަނޭޝަނަލް ފަންޑް ފޯރ އެގްރިކަލްޗަރަލް ޑިވެލޮޕްމެންޓް (އިފާޑް) ގެ ކަންޓްރީ މެނޭޖަރ މިސް ތަބައްސުމް އެގްރޯނެޓްގެ އިސްވެރިންނާ ބައްދަލު ކުރައްވައިފިއެވެ.
މި ބައްދަލުވުމުގައި އެގްރޯނެޓުން މިހާރު ކުރިއަށް ގެންދާ މަޝްރޫޢުތަކުގެ މައުލޫމާތު އިފާޑްގެ ކަންޓްރީ މެނޭޖަރަށްވަނީ އަރުވާފައެވެ. އަދި އިފާޑްއާ ގުޅިގެން ކުރިއަށް އޮތްތަނުގައި ކުރެވިދާނެ މަސައްކަތްތަކާއި ގުޅޭ ގޮތުންނާއި، އުތުރުގެ ތިން އަތޮޅަކަށް އަމާޒުކޮށްގެން ހިންގަން ރާވަފައި ހުރި ޕްރޮގްރާމްތަކާއި ގުޅޭ ގޮތުން މިބައްދަލުކުރެއްވުމުގައި މަޝްވަރާ ކުރެވިފައިވާ ކަމަށް އެގްރޯނެޓުން ބުނެއެވެ. ނަމަވެސް މިއަތޮޅުތަކަށް އަމާޒުކޮށްގެން ހިންގަން ރާވާފައިވާ ޕްރޮގްރާމުގެ ތަފްސީލެއް އެގްރޯނެޓުން ހާމަކޮށްފައެއް ނުވެއެވެ. މީގެ އިތުރުން އެގްރޯނެޓުން މިހާރު ކުރިއަށް ގެންދާ ކޮންޓްރެކްޓް ފާރމިން މަޝްރޫޢުގައި އިފާޑުގެ ފަންނީ އަދި އެހެނިހެން އެހީތެރިކަން ހޯދުމާއ ގުޅޭގޮތުން ވެސް މަޝްވަރާ މަޝްވަރާކުރައްވާފައިވާ ކަމަށް އެގްރޯނެޓުން މަޢުލޫމާތުދެއެވެ.
ރަށްރަށުގައި ހިންގާ ކޮންޓްރެކްޓް ފާމިންގް މަޝްރޫޢަކީ ކާމިޔާބު މަޝްރޫޢެއްގެ ގޮތުގައި ރަށްރަށުން ބަލައިގަނެފައިވާ ކަމުގެ ޔަގީންކަން އެގްރޯނެޓުންވަނީ އިފާޑްއަށް އަރުވާފައެވެ.
