ގުވެދަރ ޕޯޓަށް ކަރަންޓުދޭން އީރާންގެ އެހީ ހޯދަން ޕާކިސްތާނުން ނިންމައިފި
މި ނިންމުން ނިންމާފައިވަނީ ސީސީއޯސީޕީއީސީ ގެ ބައްދަލުވުމަށްފަހު
ޕާކިސްތާނުގެ ގުވެދަރ ޕޯޓު
ގުވެދަރ ޕޯޓަށް ކަރަންޓުދޭން އީރާންގެ އެހީ ހޯދަން ޕާކިސްތާނުން ނިންމާފައިވާ ކަމަށް ރިޕޯޓްތައް ބުނެފިއެވެ.
ރިޕޯޓްތައް ބުނާ ގޮތުން, ޕާކިސްތާނުގެ ސަރުކާރުން މި ނިންމުން ނިންމާފައިވަނީ ކެބިނެޓް ކޮމެޓީ އޮން ޗައިނާ, ޕާކިސްތާން އިކޮނޮމިކް ކޮރިޑޯރ (ސީސީއޯސީޕީއީސީ)ގެ ބައްދަލުވުމަކަށް ފަހުގައެވެ.
ޕާކިސްތާނު ސަރުކާރުގެ އޮފިޝަލަކު ވިދާޅުވީ ސީސީއޯސީޕީއީސީ ގެ ބައްދަލުވުމުގައި ވަރަށް ގިނަ ކަންކަމަށް މަޝްވަރާ ކުރެވުނު ކަމަށާއި، އެގޮތުން ގުވެދަރ ޕޯޓަށް ކަރަންޓު ދޭން 100 މެގަވޯޓުގެ ޖަނަރޭޓަރެއް ހޯދުމަށް އީރާންގެ އެހީ ހޯދުމަށް ނިންމާފައިވާ ކަމަށެވެ. އަދި ގުވެދަރ ޕޯޓުގެ މަޝްރޫއު އެއްކޮށް ނިންމާލެވޭނީ އަންނަ އަހަރުގެ މެދު ތެރޭގައި ކަމަށް ބެލެވޭ ކަމަށް އޮފިޝަލު ވަނީ ވިދާޅުވެފައެވެ.
އޭނާ ވިދާޅުވީ މި މަޝްރޫއަކީ މީގެ ކުރިން ޗައިނާގެ ކުންފުންޏަކާއި ހަވާލުކޮށްގެން ހިންގަން ނިންމި މަޝްރޫއެއް ކަމަށާއި، މި މަޝްރޫއަށް ބޭނުންވާ ފައިސާ ހޯދާފައިވަނީ ޗައިނާ ސަރުކާރުގެ ލޯނު އެހީގެ ދަށުން ކަމަށެވެ. އެހެން ނަމަވެސް ޗައިނާގެ ކުންފުންޏެއް ނުލިބުމުން ދެ ގައުމު މަޝްވަރާ ކުރުމަށްފަހު އީރާނުގެ ކުންފުންޏަކާ ހަވާލު ކުރަން ނިންމީ ކަމަށެވެ.
