އާޝޫރާ ދުވަހަކީ އޮގަސްޓް މަހުގެ 18 ވަނަ ދުވަސް
އަހަރު ފެށުމުގައި ޤައުމުތަކުގެ މެދުގައި ތަފާތުތަކެއް ހުރިނަމަވެސް އަމަލު ކުރަންވާނީ އެބަޔަކު ދިރިއުޅޭ ތަނެއްގައި އަމަލު ކުރާ އުސޫލުގެ މަތިން ކަމަށް ވަނީ ބުނެފައި
މިސްކިތްތަކުގައި ރޯދަ މަހު، ރޯދަ ވީއްލަނީ
ރާއްޖޭގައި އަމަލު ކުރެވެމުންދާ އުސޫލުގެ މަތިން 1443 ވަނަ އަހަރުގެ މުހައްރަމް މަހުގެ އެއްވަނަ ދުވަހަކީ މި ހިނގާ އޮގަސްޓް މަހުގެ 9 ވަނަ ދުވަސް ކަމަށްވާތީ، މުހައްރަމް މަހުގެ 10 ވަނަ ދުވަހަކީ (އާޝޫރާ ދުވަހަކީ) މި ހިނގާ އޮގަސްޓް މަހުގެ 18 ވާ ބުދަ ދުވަސް ކަމަށް އިސްލާމިކް މިނިސްޓްރީން ހާމަކޮށްފިއެވެ.
އަހަރު ފެށުމުގައި ޤައުމުތަކުގެ މެދުގައި ތަފާތުތަކެއް ހުރިނަމަވެސް އަމަލު ކުރަންވާނީ އެބަޔަކު ދިރިއުޅޭ ތަނެއްގައި އަމަލު ކުރާ އުސޫލުގެ މަތިން ކަމަށް އެ މިނިސްޓްރީން ވަނީ ބުނެފައެވެ. އެހެންކަމުން އާޝޫރާ ދުވަހު އެންމެން ރޯދަ ހިފުމަށް ވަނީ ނަސޭހަތްތެރިވެފައެވެ. އާޝޫރާ ދުވަހުގެ (މުޙައްރަމް މަހުގެ 10 ވަނަ ދުވަހު) ރޯދަ ހިފުން ސުންނަތް ވެގެންވެއެވެ. އާޝޫރާ ދުވަހު ރޯދަހިފުން ސުންނަތް ވެގެންވާ ގޮތަކީ އާޝޫރާ ދުވަހުގެ ކުރީ ދުވަހާއެކު ނުވަތަ އެ ދުވަހުގެ ފަހު ދުވަހާއެކު ރޯދަ ހިފުމެވެ.
އާޝޫރާ ދުވަހު ރޯދަ ހިފުމަކީ އިސްވެ ދިޔަ އަހަރު ކުރެވުނު ފާފަތައް ފުއްސަވައި ދެއްވަވާނެ އަމަލެއް ކަމަށް އެކި ޙަދީޘްފުޅުތަކުގައިވެއެވެ.
އާޝޫރާ ދުވަހަކީ ފިރުއައުނުގެ ކިބައިން މޫސާގެފާނު ސާލަމަތްކޮށްދެއްވި ދުވަހެވެ. އަދި ފިރުއައުނާއި އޭނާގެ ބޮޑު ލަޝްކަރު ޣަރަގު ކުރެއްވި ދުވަހެވެ.
