މިނިވަން ނޫހުގެ ނޫސްވެރިޔާ އަޙްމަދު ރިޟްވާން ގެއްލުނު މައްސަލައިގެ ތަހުގީގަށް ކޮމިޝަނަރ އޮފް ޕޮލިސް (ރިޓަޔާޑް) ޙުސައިން ވަޙީދު, މިހާތަނަށް 6 ފަހަރު މަރު ކޮމިޝަނަށް ހާޒިރުކޮށްފައިވާ ކަމަށް އޭނާ ވިދާޅުވެއްޖެއެވެ.
އޭނާގެ ފޭސްބުކްގައި ކުރެއްވި ޕޯސްޓެއްގައި ވިދާޅުވީ މިހާތަނަށް 6 ފަހަރެއްގެ މަތިން މަރު ކޮމިޝަނަށް ހާޒިރުކޮށްފައިވާ ކަމަށެވެ. އަދި ކޮމިޝަނުގެ އެއްބާރުލުން ކުޑަ ކަމުގައިވެސް ވިދާޅުވިއެވެ.
އޭނާގެ ޕޯސްޓުގައި ވަނީ މަރު ކޮމިޝަނުގެ ވެރިންގެ ފަރާތުން އައިސްފައިވާ އޯޑަރުތަކުގެ ސަބަބުން ދެ ފަރާތުން ރަނގަޅަށް ވާހަކަ ދައްކާ ނުލެވޭ ކަމަށެވެ. އަދި ކޮމިޝަނުގެ މެމްބަރުން ތިއްބެވީ ވަރަށް ބޮޑަށް ތާށިވެފައި ކަމަށާއި، ރިޟްވާން ގެއްލުވާލި މައްސަލަ މިއަށްވުރެ ފުރިހަމައަށް ބެއްލެވެން ޖެހޭނެ ކަމަށެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުން ޙުސައިން ވަޙީދުގެ މައްޗަށް ރިޔާސީ ކޮމިޝަނުން ކުރާ ތުހުމަތަކީ ރިޟްވާން ހޯދުމަށް ކުރި މަސައްކަތައް ހުރަސް އެޅުމުގެ ތުހުމަތެވެ.
އޭނާގެ ޕޯސްޓުގައި އިތުރަށް ބުނެފައިވަނީ, ރިޟްވާން ގަދަވެ ހުރިކަމަށް ކޮމިޝަނުން ވަނީ ބުނެފައިކަމަަށެވެ. އެހެންނަމަވެސް ކޮމިޝަނުން އެފަދައިން ޙުސައިން ވަޙީދަށް އަންގާފައި ނުވާކަން ރާއްޖެ އެމްވީއަށް ވަނީ އެނގިފައެވެ.
