ކޮވިޑް ޖެހިގެން ދުވާފަރުން މީހަކު ނިޔާވެއްޖެ
27 ޖުލައި 2021 | އަންގާރަ 16:26މިހާތަނަށް ރާއްޖޭގައި ކޮވިޑްގެ ބަލީގައި ނިޔާވި މީހުންގެ ތެރޭގައި ހިމެނެނީ 201 ދިވެހިންނާއި 19 ބިދޭސީން
ރ. ދުވާފަރު
ކޮވިޑް ޖެހިގެން ދުވާފަރުން މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ، އެޗްޕީއޭއިން ހާމަކުރި ގޮތުގައި، ނިޔާވެފައި ވަނީ ޖުލައި 27 ވަނަ ދުވަހުގެ މެންދުރު 12 ޖެހިއިރު ދުވާފަރު ސިއްހީ މަރުކަޒަށް ގެންދިޔަ އުމުރުން 66 އަހަރުގެ ދިވެހި ފިރިހެނެކެވެ. މިއީ ކޮވިޑް ބަލީގައި ރާއްޖެއިން ނިޔާވި 220 ވަނަ މީހާއެވެ.
މިހާތަނަށް ރާއްޖޭގައި ކޮވިޑްގެ ބަލީގައި ނިޔާވި މީހުންގެ ތެރޭގައި ހިމެނެނީ 201 ދިވެހިންނާއި 19 ބިދޭސީންނެވެ. ރާއްޖޭގައި ކޮވިޑްގެ ކޭސްތައް އިތުރުވެ، މިބަލީގައި ނިޔާވާ މީހުންގެ އަދަދު އިތުރުވުމާ ގުޅިގެން އެޅި ހަރުކަށި ފިޔަވަޅުތަކާއެކު ބައްޔަށް ޕޮޒިޓިވްވާ މީހުންގެ އަދަދު މިހާރުވަނީ ވަރަށް މަދުކުރެވިފައެވެ.
މި ބަލީގައި އެންމެ ގިނަ ބަޔަކު ނިޔާވެފައިވަނީ މިދިޔަ މެއި މަހުއެވެ. މެއި މަހު 88 މީހަކު ވަނީ ނިޔާވެފައެވެ.
