ރައީސްގެ ތިލަދުންމަތީ ދެކުނުބުރީ ދަތުރުފުޅު: ކޮވިޑްގެ ނުރައްކާ އޮތުމުން، މަރުހަބާކިޔުން ބޮޑެތި އެއްވުންތަކާ ނުލާ!

ކޮވިޑްގެ ނުރައްކާ އަދިވެސް އޮތުމާއެކު، ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ތިލަދުންމަތީ ދެކުނުބުރީގެ ބައެއް ރަށްތަކަށް މި ޖުލައި މަހުގެ 16 އިން 18 އަށް ކުރައްވާ ރަސްމީ ދަތުރުފުޅުގައި މަރުހަބާކިޔުމުގެ ބޮޑެތި އެއްވުންތައް ނުބާއްވާނެކަން ހާމަކޮށްފިއެވެ.

މިކަމާ ގުޅޭގޮތުން ރައީސް އޮފީހުން ވަނީ ތިލަދުންމަތީ ދެކުނުބުރިއަށް ރައީސުލްޖުމްހޫރިއްޔާ ކުރައްވާ ރަސްމީ ދަތުރުފުޅާ ގުޅިގެން، އެ މަނިކުފާނަށް މަރުހަބާ ދެންނެވުމަށް ޚާއްސަ އިންތިޒާމްތައް ހަމަޖެއްސުމަށް ގިނަ ރިކުއެސްޓްތަކެއް ލިބިފައިވާކަން ހާމަކޮށްފައެވެ. އެހެންނަމަވެސް، ކޮވިޑްގެ މި ހާލަތުގައި ގިނަ ބަޔަކު އެއްތަންވުމަކީ އެންމެ ރައްކާތެރި ކަމަކަށް ނުވާނެކަން ރައީސް އޮފީހުން ފާހަގަކުރިއެވެ. މި ސަބަބައްޓަކައި ގިނަ ބަޔަކު އެއްތަންނުވާނެ ގޮތަކަށް މަރުހަބާގެ ކަންކަން އިންތިޒާމުކުރުމަށް ކަމާގުޅޭ ހުރިހާ އިދާރާތަކަށް އަންގާފައިވާކަމަށް ރައީސް އޮފީހުން ބުނެއެވެ.

ތިލަދުންމަތީ ދެކުނުބުރިއަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ކުރައްވާ ދަތުރުފުޅުގައި ކުޅުދުއްފުށި ސިޓީއާއި، ހދ. ހަނިމާދޫގެ އިތުރުން އިތުރު ރަށްރަށަށް ވަޑައިގަތުމަށް ހަމަޖެހިފައިވެއެވެ. އެގޮތުން މި ރަށްރަށުގައި މިހާރު ހިނގަމުންދާ ތަރައްޤީގެ މަޝްރޫތަކުގެ އެންމެ ފަހުގެ އަޕްޑޭޓް ބައްލަވާލައްވާ ކައުންސިލްތަކާއެކު ބައްދަލުކުރުމަށް ވެސް ވަނީ ހަމަޖެހިފައެވެ. ރައީސުލްޖުމްހޫރިއްޔާގެ ސިޔާސަތަކީ ރައްޔިތުންނާ ގާތުން މަސައްކަތްކޮށް، ކައުންސިލްތަކުގެ ބައިވެރިވުމާ އެކު ތަރައްޤީގެ މަޝްރޫޢުތަކާއި ޚިދުމަތްތައް ފޯރުކޮށްދިނުންކަމުގައިވާއިރު، މި ސިޔާސަތު މި ދަތުރުފުޅުގެ ތެރެއިން ކުރިއަރުވާން މަޝްވަރާކުރައްވާނެކަމަށް ރައީސް އޮފީހުން ހާމަކުރެއެވެ.

ރައީސުލްޖުމްހޫރިއްޔާގެ މި ދަތުރުފުޅަކީ ކޮވިޑްގެ 4 ވަނަ ރާޅަށްފަހު ދަތުރުފަތުރުކުރުމަށް ލުއިތައް ދިނުމަށްފަހު އެމަނިކުފާނު ރާއްޖޭގެ ރަށަކަށް ކުރައްވާ ފުރަތަމަ ދަތުރުފުޅެވެ. ކޮވިޑް ފެތުރުން ކޮންޓްރޯލް ކުރެވި، ޙާލަތަށް އައިސްފައިވާ ބަދަލާ އެކު، އިތުރު ރަށްރަށަށް ޒިޔާރަތްކުރައްވާ، ތަރައްޤީގެ މަޝްރޫޢުތަކާ އަދި ރައްޔިތުންގެ ކަންބޮޑުވުންތައް އެ މަނިކުފާނު ގާތުން ބައްލަވަމުން ގެންދަވާނެކަމަށް ރައީސް އޮފީހުން ހާމަކުރެއެވެ. ކޮވިޑް ފެތުރުން ކޮންޓްރޯލް ކުރެވި، ޙާލަތަށް އައިސްފައިވާ ބަދަލާ އެކު، އިތުރު ރަށްރަށަށް ޒިޔާރަތްކުރައްވާ، ތަރައްޤީގެ މަޝްރޫޢުތަކާ އަދި ރައްޔިތުންގެ ކަންބޮޑުވުންތައް އެ މަނިކުފާނު ގާތުން ބައްލަވަމުން ގެންދަވާނެކަމަށް އެ އޮފީހުން ހާމަކުރިއެވެ.