ވިލިނގިލީ ކޮވިޑް ފެސިލިޓީން މީހަކު ނިޔާވެއްޖެ

ގއ. ވިލިނގިލީ ކޮވިޑް-19 ފެސިލިޓީގައި ފަރުވާދެމުންދިޔަ މީހަކު ނިޔާވެއްޖެއެވެ.

އެޗްޕީއޭއިން ބުނީ ނިޔާވީ އުމުރުން 81 އަހަރުގެ ދިވެހި އަންހެނެއް ކަމަށެވެ. އެމީހާ ނިޔާވީ ރޭ ފަތިހު 4:55 ހާއިރު ކަމަށް އެޗްޕީއޭއިން ބުނެފައިވެއެވެ. މިއީ ރާއްޖެއިން މި ބަލީގައި ނިޔާވި 212 ވަނަ މީހާއެވެ.

ރާއްޖޭގައި ކޮވިޑްގެ ހާލަތު އޭޕްރީލް މަހުގެ ފަހުކޮޅުން ފެށިގެން ގޯސްވަމުން އައިސް މެއި މަހު ވަނީ ހާލަތު ވަރަށް ބޮޑަށް ގޯސްވެފައެވެ. އެއާއެކު ކޮވިޑް ފެތުރުން ކޮންޓްރޯލްކުރުމަށް އެޅި ފިޔަވަޅުތަކާއެކު މިހާރު ހާލަތު އަންނަނީ ރަނގަޅުވަމުންނެވެ. އެގޮތުން ޖޫން މަސް ފެށުނު ފަހުން ދުވާލެއްގެ މައްޗަށް ޕޮޒިޓިވްވާ ކޭސްތަކުގެ އަދަދު ވަރަށް ބޮޑުތަން ދަށްވެފައިވާއިރު، އަޅާފައިވާ ފިޔަވަޅުތަކަށް ވެސް އަންނަނީ ލުއިތައް ދެމުންނެވެ.