އެޗްސީއެފްސީ ބޭނުންކުރުން ހުއްޓާލި ފުރަތަމަ ގައުމަކަށް ރާއްޖެ

ތަރައްގީވަމުން އަންނަ ގައުމުތަކުގެ ތެރެއިން އެޗްސީއެފްސީ ބޭނުންކުރުން ހުއްޓާލި ފުރަތަމަ ގައުމަކަށް ރާއްޖެ ވެއްޖެއެވެެ.

ހައިޑްރޯކުލޯރޯފުލޯރޯކާބަން (އެޗްސީއެފްސީ) ފޭސް-އައުޓް މެނޭޖްމަންޓް ޕްލޭން، ނުވަތަ ކުރުކޮށް ބުނާނަމަ "އެޗްޕީއެމްޕީ"އަކީ 2010ވަނަ އަހަރު އެޗްސީއެފްސީ ގޭސް ދިވެހިރާއްޖެއިން ނައްތާލުމުގެ ގޮތުން 2010ގައި ފެށި 10 އަހަރުގެ މަޝްރޫއެކެވެ. މިމަޝްރޫއު ހިންގާފައިވަނީ މަލްޓިލެޓަރަލް ފަންޑް (އެމްއެލްއެފް)ގެ ހިލޭ އެހީ މެދުވެރިކޮށެވެ. 2010 ވަނަ އަހަރު 67 މެޓްރިކް ޓަނުގެ އެޗްސީއެފްސީ ގޭސް ދިވެހިރާއްޖެއަށް އެތެރެ ކުރެވިފައިވާއިރު، 10 އަހަރުގެ މުއްދަތެއް ތެރޭގައި 2020 ވަނަ އަހަރު ދިވެހިރާއްޖެއިން ވަނީ އެޗްސީއެފްސީ ގޭސް އެއްކޮށް ފޭސް އައުޓް ކުރެވިފައެވެ.

Advertisement

މިއީ ޕްރޮޓޮކޯލް އިން ކަނޑައަޅާފައިވާ މުއްދަތަށް ވުރެ 10 އަހަރު ކުރިއެވެ. އަދި ދިވެހިރާއްޖެއަކީ ތަރައްގީވަމުން އަންނަ ގައުމުތަކުގެ ތެރެއިން އެންމެ ފުރަތަމަ އެޗްސީއެފްސީ ފޭސްއައުޓް ކުރި ގައުމެވެ.

ރަސްމީ ގޮތެއްގައި މިމަޝްރޫއު ނިންމާލުމަށް، މިމަސައްކަތުގައި މައިގަނޑު ގޮތެއްގައި ރާއްޖެއިން ބޭރުންނާއި ރާއްޖެއިން މަސައްކަތްކުރި ހުރިހާ އޮފީސްތަކާއި ވުޒާރާތަކުގެ އިސްބޭފުޅުން ބައިވެރިކޮށްގެން އާދީއްތަ ދުވަހު ވަނީ ރަސްމިއްޔާތެއް ބާއްވާފައެވެ.

'A Cool Move: Maldives Quits HCFC'ގެނަމުގައި ބޭއްވި މިރަސްމިއްޔާތުގައި،އެޗްޕީއެމްޕީތަންފީޒުކުރެވުނުގޮތާއިކާމިޔާބުކަމާއިއެކުފޭސް-އައުޓްކުރުމުގައިގެންގުޅުނުއުސޫލުތަކާއިބެހޭގޮތުންއެކިދާއިރާތަކާއިވުޒާރާތަކުން ވަނީ ވާހަކަދައްކަވާފައެވެ.

މިރަސްމިއްޔާތުގައި އެންވަރަންމެންޓް އެންޑް ޓެކްނޮލޮޖީ މިނިސްޓަރ އާމިނަތު ޝައުނާ ދެއްކެވި ވާހަކަފުޅުގައި ވިދާޅުވީ ހައިޑްރޯފްލޯރޮކާބަންސް (އެޗްއެފްސީ) ބޭނުންކުރުން ހުއްޓާލުމުގެ ޕްލޭން އެބަހުރިކަމަށާއި އޯޒޯން އެކްޓަށް ބަދަލުތަކެއް ގެނައުމުގެ މަސައްކަތް ކުރަމުންދާކަމަށާއި މިބަދަލުތައް ގެނެވުމުން މި ޕްލޭން ތަންފީޒުކުރުމަށް މަސައްކަތް ކުރެވޭނެކަމަށެވެ.

މިނިސްޓަރ އިތުރަށް ވިދާޅުވީ، ޓެކްނޯލޮޖިކަލް ގޮތުންނާއި ފައިސާގެ ގޮތުން ލިބެންޖެހޭ ސަޕޯޓް ލިބިއްޖެކަމަށްވާނަމަ، އަމާޒަކީ 2030 ވަނަ އަހަރު އަންނަން ވާ އިރަށް ދިވެހިރާއްޖެއަކީ ކާބަން ނިއުޓްރަލް ގައުމަކަށް ހެދުމަށް ކަމަށެވެ.

މިރަސްމިއްޔާތުގައި ވާހަކަފުޅު ދައްކަވަމުން ކޮމިޝަނަރ ޖެނެރަލް އޮފް ކަސްޓަމްސް، ޢަބްދުﷲ ޝަރީފް ދެއްކެވި ވާހަކަފުޅުގައި ވިދާޅުވީ، ރީޖަނަލް ބަނދަރުތައް ހިމެނޭގޮތުގެ މަތީން ރަސްމީ ބަނދަރުތަކުގައި އެޗްސީއެފްސީ މާއްދާތައް ބަލައި ފާސްކުރެވޭނެ ނިޒާމުތަކެއް ގާއިމުކުރެވުނު ކަމަށާއި، އެގޮތުން މުދާ ޗެކްކޮށް ދޫކުރުމުގައި އެޗްސީއެފްސީގެ ބާވަތްތައް ލޭބަލް ކުރެވިފައި ހުންނަ ގޮތާއި، އޮޅުވާލުންތައް ދެނެގަނެވޭނެ ގޮތާއި، ޓެސްޓް ކުރެވޭނެ ގޮތްތައް ކަސްޓަމްސްގެ ސަރަޙައްދުތަކުގައި ޤާއިމުކުރެވި ބޭނުންކުރެވެމުން ދާކަމަށާއި އަދި މިފަދަ ގޭސްތައް ޓެސްޓް ކިޓް ބޭނުންކޮށްގެން ދެނެގަނެވޭނެ ގާބިލުކަމާއި ތައްޔާރީތައް ފުރިހަމައަށް ގާއިމުވެފައި ހުރިކަމަށެވެ.