ރާއްޖެ
ފަޅުވެރިއެއްގެ ލޮލަށް ބުޅިއެއްހެރުން
މަސް ދޯންޏެއްގައި ހުރި ފަޅުވެރިއެއްގެ ލޮލަށް ބުޅިއެއް ހެރިގެން އެމްއެންޑީއެފުން ހަރަކާތްތެރިވަނީ
އޭނާއަށް އަވަސް ފަރުވާ ދިނުމަށް އެހީތެރިކަން ފޯރުކޮށްދިނުމަށް އެމްއެންޑީއެފްގެ ކޯސްޓްގާޑުން ދަނީ ހަރަކާތްތެރިވަމުން
ނަހުފާ މުހައްމަދު, ރާއްޖެ އެމްވީ | 14 ޖޫން 2021 | ހޯމަ 03:02
އެމްއެންޑީއެފް ކޯސްޓްގާޑު
މަސްވެރިކަން ކުރަން އުޅުނު ދޯންޏެއްގައި ހުރި ފަޅުވެރިއެއްގެ ލޮލަށް ބުޅިއެއް ހެރިއްޖެއެވެ.
އެމްއެންޑީއެފުން ބުނީ ސ. ގަން ބޮއެ ކައިރީ މަސްވެރިކަން ކުރަން އުޅުނު 'ރަސްއައިނު' ދޯނީގައި ހުރި ދިވެހި ފަޅުވެރިއެއްގެ ލޮލަށް ބުޅިއެއް ހެރުނުކަމުގެ މައުލޫމާތު ލިބިފައި ވާކަމަށެވެ. އަދި އޭނާއަށް އަވަސް ފަރުވާ ދިނުމަށް އެހީތެރިކަން ފޯރުކޮށްދިނުމަށް އެމްއެންޑީއެފްގެ ކޯސްޓްގާޑުން ހަރަކާތްތެރިވަމުން ދާކަމަށް އެމްއެންޑީއެފުން ބުނެއެވެ.
މި ހާދިސާގެ މައުލޫމާތު އެމްއެންޑީއެފަށް ލިބިފައިވަނީ ހެނދުނު 6:12 ހާއިރު ކަމަށް އެމްއެންޑީއެފުން ބުނެއެވެ.
