ފުލުހުން ތަހުގީގު ކުރަމުންދާ މައްސަލައަކާ ގުޅިގެން ދެ މީހަކު ހޯދަނީ
މައްސަލައިގެ އިތުރު ތަފުސީލެއް ހާމައެއް ނުކުރޭ
ފުލުހުން ހޯދަމުންދާ ދެ މީހުން
ފުލުހުން ތަހުގީގު ކުރަމުންދާ މައްސަލައަކާ ގުޅިގެން ދެ މީހަކު ހޯދަމުންދާކަމަށް ހާމަކޮށްފިއެވެ.
ފުލުހުން މަޢުލޫމާތުދޭގޮތުގައި މި ދެމީހުން ހޯދަމުންދަނީ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަހުގީގު ކުރަމުންދާ މައްސަލައަކާ ގުޅިގެންނެވެ. އެގޮތުން ހޯދަމުންދާ މީހުންގެ ފޮޓޯއާއި ވަނަވަރުވެސް ފުލުހުން ވަނީ އާންމުކޮށްފައެވެ. މި ދެމީހުން ހޯދަމުންދާ މައްސަލައިގެ އިތުރު ތަފުސީލެއް ދީފައެއްނުވެއެވެ.
މިމައްސަލައާ ގުޅިގެން ހޯދަމުންދަނީ ށ. މަރޮށި/ހަވާ ސަދުޙާން އަޙްމަދު ޒާހިރު (21އ) އާއި ހދ. ހަނިމާދޫ/ޗިޅިޔާގެ މުޙައްމަދު ސިނާން (25އ) އެވެ.
މި ދެމީހުންނާ ބެހޭ އެއްވެސް މައުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަމްބަރު 9631696އަށް ގުޅާ އެކަން ހިއްސާކުރުމަށް ފުލުހުން ވަނީ އެފިފައެވެ.
މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުމަށް ފުލުހުން ވަނީ ޝުކުރު އަދާކޮށްފައެވެ.
