ށ ފުނަދޫ ފަޅުގައި ޖެޓްސްކީ ދުއްވަން އުޅުނު މީހަކު މަރުވެއްޖެއެވެ.
ފުލުހުން ބުނީ، ށ ފުނަދޫ ފަޅުގައި ޖެޓްސްކީ ދުއްވަން އުޅެނިކޮށް މަރުވެފައިވަނީ ޖެޓްސްކީގައި އައްސާފައި އޮތް ސީބެޑްގައި ތިބި ދެ މީހުންގެ ތެރެއިން 22 އަހަރުގެ ދިވެހި ފިރިހެނެއް ކަމަށެވެ. އެގޮތުން ޖެޓްސްކީ އަނބުރާލި ވަގުތު އެ ޒުވާނާ ވިއްސައިގެން ގޮސް އެއްގަމުގައި ހުރި ގަސްބުޑެއްގައި ޖެހި ޒަޚަމްވިކަމަށް ފުލުހުން މައުލޫމާތު ދެއެވެ. އެ ޙާދިސާގެ ރިޕޯޓު ފުލުހުންނަށް ލިބިފައިވަނީ ހޮނިހިރު ދުވަހުގެ ހަވީރު 16:00 ހާއިރުއެވެ.
އޭނާ ހޮސްޕިޓަލަށް ގެންގޮސް ފަރުވާދެމުން ދަނިކޮށް ނިޔާވެފައިވާކަމަށް ހޮސްޕިޓަލާ ޙަވާލާދީ ފުލުހުން ރިޕޯޓު ކޮށްފައިވެއެވެ.
މި ޙާދިސާއާ ގުޅިގެން ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
