ރެއިންބޯ ސްޓާފް އެކޮމޮޑޭޝަނުން ތިން މޯބައިލް ފޯނު ވަގަށް ނަގާފައިވާ މީހަކު ހޯދަން ފަށައިފިއެވެ.
އެ މީހާގެ ވީޑިއޯ އާންމުކޮށް، ފުލުހުން ބުނީ ވީޑިއޯއިން ފެންނަ މީހަކީ 2021 އޭޕްރީލް 13 ވަނަ ދުވަހުގެ ވަގުތެއްގައި ރެއިންބޯ ސްޓާފް އެކޮމޮޑޭޝަނުން ތިން މޯބައިލް ފޯނު ވަގަށް ނަގާފައިވާ މައްސަލައާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަމުންދާ މީހެއް ކަމަށެވެ.
މީހާއާބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި މި މައްސަލައިގެ އިންސިޑެންޓް ނަންބަރު ވިދާޅުވެ، އެމީހާގުޅޭ މައުލޫމާތެއް ވާނަމަ އެކަން ހިއްސާކުރުމަށް ވެސް ފުލުހުން ވަނީ އެދިފައެވެ. ފުލުހުން ބުނީ މި މައްސަލައިގެ އިންސިޓެންޑް ނަންބަރަކީ 484557 ކަމަށެވެ.
ވައްކަމުގެ މައްސަލަތަކާއި އެ ނޫން ވެސް މިފަދަ މައްސަލަތަކުގައި ހޯދަން ބޭނުންވާ މީހުންގެ ފޮޓޯއާއި ވިޑީއޯ ފުލުހުން ހިއްސާކުރަމުންދާއިރު ރައްޔިތުންގެ އެހީތެރިކަމާއި އެއްބާރުލުމަށް ވެސް އެދެމުން ދެއެވެ.
