ކޮވިޑް ޖެހިގެން ހޯމަދުވަހު ތިން ވަނަ މީހަކު ނިޔާވެއްޖެ

ކޮވިޑް-19 ޖެހިގެން ހޯމަ ދުވަހު ތިން ވަނަ މީހަކު ރާއްޖެއިން ނިޔާވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ ހޯމަ ދުވަހުގެ ހަވީރު 3 ޖެހިއިރު އުމުރުން 58 އަހަރުގެ މީހަކު ނިޔާވެފައިވާކަމަށެވެ. މިމީހާއަކީ ދިވެހި ފިރިހެނެއްކަމަށާއި މިމީހާ ނިޔާވެފައިވަނީ އައިޖީއެމްއެޗްގެ އެމަރޖެންސީ ރޫމްގައި ފަރުވާދެމުން ދަނިކޮށް ކަމަށް އެޗްޕީއޭއިން ބުނެއެވެ.

މިއީ ކޮވިޑް ބަލީގައި ރާއްޖޭގެ 161 ވަނަ މަރެވެ.

މީގެއިތުރުން ހޯމަ ދުވަހު ހަވީރު 3:39 ގައި ވަނީ އުމުރުން 62 އަހަރުގެ ދިވެހި ފިރިހެނަކު ނިޔާވެފައެވެ. އެމީހާ ނިޔާވެފައިވަނީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި ފަރުވާ ދެމުން އަންނަނިކޮށެވެ.

ހޯމަ ދުވަހުގެ ހެނދުނު 06:37 ގައިވެސް ވަނީ މިބަލީގައި މީހަކު ނިޔާވެފައެވެ. އެއީ އުމުރުން 83 އަހަރުގެ ދިވެހި އަންހެނެކެވެ. އެމީހާ ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުން އަންނަނިކޮށެވެ.