އެމްއެންޑީއެފުން ނައިޓް ފަޔަރިންގ ތަމްރީނުތަކެއް ކުރިއަށް ގެންދަނީ
31 މެއި 2021 | ހޯމަ 03:05ތަމްރީނުތައް ކުރިއަށް ދާނީ 01 ޖޫން 2021 އިން 03 ޖޫން އަށް އަދި 05 ޖޫން 2021 ވަނަ ދުވަހަށް
އެމްއެންޑީއެފުން ރާއްޖޭގެ އެކި ސަރަޙައްދުތަކުގައި ބޭރުގެ ގައުމުތަކާ ގުޅިގެން ވެސް ޚާއްސަ ތަމްރީންތައް ބާއްވަމުންދޭ
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ން ނައިޓް ފަޔަރިންގ ތަމްރީނުތަކެއް ކުރިއަށް ގެންދަން ހަމަޖެހިފައިވާ ކަމަށާއި، އެކަން މޯލްޑިވްސް ޓްރާންސްޕޯޓް އޮތޯރިޓީއަށް އަންގާފައިވާ ކަމަށް އެ އޮތޯރިޓީން ބުނެފިއެވެ.
އެމްއެންޑީއެފްގެ ނައިޓް ފަޔަރިންގ ތަމްރީނުތައް ކުރިއަށް ދާނީ 01 ޖޫން 2021 އިން 03 ޖޫން އަށް އަދި 05 ޖޫން 2021 ވަނަ ދުވަހުގެ 08:00 އިން 17:00 އަށް ކ. ހުޅުމާލޭގެ އިރުމަތިން 07 ނޯޓިކަލް މޭލު ބޭރުގައެވެ.
ތަމްރީނުގައި ވައިގެ ސަރަހައްދު ބޭނުންކުރާނެ ގޮތުގެ ތަފްސީލު
1. ބޭނުންކުރާ ހަތިޔާރު /ޕައިރޯޓެކްނިކްސް: މެޝިން ގަން
2. ވައިގެ ސަރަހައްދު ބޭނުންކުރާނެ އެންމެ ދުރުމިން: 5000 މީޓަރ
3. ވައިގެ ސަރަހައްދު ބޭނުންކުރާނެ އެންމެ އުސްމިން: 100 މީޓަރ
4. ވައިގެ ސަރަހައްދު ބޭނުންކުރާނެ އެންމެ ތިރިމިން: ސީ ލެވެލް
5. ވައިގެ ސަރަހައްދު ބޭނުންކުރާނެ ޑައިރެކްޝަން: ކ.ހުޅުމާލޭގެ 07 މޭލު ބޭރުގައި
ޓްރާންސްޕޯޓް އޮތޯރިޓީން ބުނީ މި ސަރަޙައްދުން ކަނޑުދަތުރުފަތުރުކުރާ ފަރާތްތަކުން މިކަމަށް ސަމާލުކަން ދެއްވައިގެން ދަތުރުފަތުރު ކުރެއްވުމުގެ ކަންކަން ކުރިއަށް ގެންދިއުމަށް އެދޭ ކަމަށެވެ.
އެމްއެންޑީއެފުން މިފަދަ ތަމްރީނުތައް ކުރިއަށް ގެންދާއިރު ދާދިފަހުން ކ. ގިރިފުށީގައި ވެސް މިފަދަ ތަމްރީނެއް ކުރިއަށް ގެންގޮސްފައިވެއެވެ. އެމްއެންޑީއެފުން ސިލްސިލާކޮށް އެކި ބާވަތުގެ އަސްކަރީ ތަމްރީނުތައް ހިންގަމުން ދާއިރު ރާއްޖޭގެ އެކި ސަރަޙައްދުތަކުގައި ބޭރުގެ ގައުމުތަކާ ގުޅިގެން ވެސް ޚާއްސަ ތަމްރީންތައް ބާއްވަމުންދެއެވެ.
