ކޮވިޑް 19 ބަލިމަޑުކަން ފެތުރޭ މިންވަރު ކުޑަކުރުމުގެ ގޮތުން، ސައުދީއަރަބިއްޔާއަށް މީހުން އެތެރެވުން މަނާކޮށްފައި އޮތް ގައުމުތަކުގެ ތެރެއިން، 11 ގައުމަކުން މީހުން އެތެރެވުމުގެ ހުއްދަ ދޭން އެގައުމުން ނިންމައިފިއެވެ.

ސައުދީއަށް އެތެރެވުމުގެ ހުއްދަ ދީފައިވާ ގައުމުތަކުގެ ތެރޭގައި ހިމެނެނީ އެކުވެރި އަރަބި އިމާރާތާއި, ޖަރުމަނުވިލާތާއި, އެމެރިކާއާއި, އަޔަލެންޑާއި, އިޓަލީއާއި, ޕޯޗުގަލްއާއި, އިނގިރޭސިވިލާތާއި, ސްވެޑަންއާއި, ސްވިޒަލޭންޑްއާއި, ފްރާންސާއި, އަދި ޖަޕާނެވެ. އާދީއްތަ ދުވަހުން ފެށިގެން މި ފުރުސަތު ހުޅުވާލާފައި ވީނަމަވެސް, އެތެރެވާ ހުރިހާ އެންމެން ވެސް ކަރަންޓީނު އުސޫލުތަކަށް ތަބާވާން ޖެހޭނެއެވެ.

ބައެއް މީޑިއާ ރިޕޯޓުތައް ބުނާގޮތުން ސައުދީން މި ގައުމުތަކަށް ހުއްދަ ދޭން ނިންމާފައިވަނީ, އެގައުމުތަކުގައި ވައިރަސް ފެތުރުން ކޮންޓްރޯލްކުރެވިފައިވާ ކަމަށް ދުނިޔޭގެ ސިއްހަތު ޖަމުއިއްޔާ (ޑަބްލިއުއެޗްއޯ)އިން ބުނެފައިވާތީއެވެ.

ކޮވިޑް ބަލިމަޑުކަން ފެތުރުން ކޮންޓްރޯލް ކުުރުމުގެ ގޮތުން ފެބްރުއަރީ މަހުން ފެށިގެން އެގައުމުތަކުން މީހުން އެތެރެވުން ސައުދީން އޮތީ މަނާކޮށްފައެވެ.