އެއަރ އިންޑިއާ ފްލައިޓްގެ ބިޒްނަސް ކްލާސް ބައިން ވާލެއް ފެނުމާއިއެކު ފްލައިޓް އަނބުރާ ދިއްލީއަށް ޖައްސައިފިއެވެ.
އެމެރިކާގެ ނިއުޔޯކަށް ދަތުރުކުރަން ފުރިތާ 30 މިނެޓުގެ ތެރޭގައި ފްލައިޓް އަނބުރާ ޖައްސާފައިވާއިރު، ފްލައިޓްގެ ބިޒްނަސް ކްލާސް ބައިން ވާލެއް ފެނިފައިވަނީ ފްލައިޓް ކްރޫއަށެވެ.
އިންޑިއާގެ މީޑިއާތަކުން ރިޕޯޓް ކޮށްފައިވާ ގޮތުން ފްލައިޓުން ފެނިފައިވަނީ މަރުވެފައިވާ ވާލެކެވެ. ފްލައިޓް ޖެއްސުމާއިއެކު ވާ ފްލައިޓުން ބޭރުކޮށްލާފައިވެއެވެ.
އެއަރ އިންޑިއާގެ އޮފިޝަލަކު އިންޑިއާގެ މީޑިއާއަށް ދިން ބަސްދީގަތުމެއްގައި ވިދާޅުވީ އެއަރ އިންޑިއާގެ ފްލައިޓަކުން ވާލެއް ފެނުނު މައްސަލަ ތަހުގީގު ކުރަމުން އަންނަ ކަމަށާއި، މިހާތަނަށް ބެލި ބެލުމުން ފްލައިޓަށް މަރުވެފައިވާ ވާލެއް އެރުވިފައިވަނީ ފްލައިޓަށް ކާތަކެތި އެރުވުމުގެ ތެރެއިން ކަމަށް ބެލެވޭ ކަމަށެވެ.
