ފިނޭންސް މިނިސްޓަރު އިބްރާހިމް އަމީރުގެ އެޑްވައިޒަރަކަށް ވޯލްޑް ބޭންކް ގްރޫޕްގެ ކުރީގެ ޗީފް އިކޮނޮމިސްޓް ކަމަށްވާ ޑރ. ޝާންތާ ޑެވަރާޖަން އައްޔަންކޮށްފިއެވެ.
އެކަމާއި ގުޅިގެން ފިނޭންސް މިނިސްޓްރީން ބުނީ މެއި މަހުގެ 20 ވަނަ ދުވަހުން ފެށިގެން ޑރ ޑެވަރާޖަން މިނިސްޓަރުގެ އެޑްވައިޒަރެއްގެ ގޮތުގައި މަސައްކަތްކުރައްވަން ފައްޓަވާފައިވާކަމަށެވެ. މިކަމާއި ގުޅިގެން މިނިސްޓަރު އަމީރު ވިދާޅުވީ ފިނޭންސް މިނިސްޓްރީގެ ޓީމާއި ޑރ ޑެވަރާޖަން ގުޅުން ވަރަށް ޚާއްސަ ކަމެއްގެ ގޮތުގައި ފާހަގަކުރައްވާާ ކަމަށެވެ.
"ޑރ ޑެވަރާޖަންގެ އިރުޝާދާއި ލަފާގެ މަތިން ބައިނަލްއަގްވާމީ ފަރާތްތަކާއެކު އޮންނަ ގުޅުން ވަރުގަދަކުރުމަށާއި، ކޮވިޑް-19ގެ ޕެންޑަމިކް ހާލަތުން އަރައިގަނެ އިގްތިސާދު އަލުން އާރާސްތުކޮށް، މިފަދަ ކަންކަމުން ރައްކާތެރިކުރެވިފައިވާ އިގްތިސޤދެއް ބިނާކުރުމަށް މަގުފަހިވާނެ" މިނިސްޓަރ ވިދާޅުވިއެވެ.
ޑރ ޝާންތާ ވަނީ އެމެރިކާގެ ކެލިފޯނިއާ ޔުނިވާސިޓީން، އިކޮޮނޮމިކްސްގެ ދާއިރާއިން ޕީއެޗްޑީ ހާސިލް ކުރައްވައިފަ އެވެ. މީގެ ކުރިން ވޯލްޑް ބޭންކްގެ މެދުއިރުމައްޗާއި އުތުރު އެފްރިކާގެ އިތުރުން ދެކުނު އޭޝިއާ ސަރަހައްދުގެ ޗީފް އިކޮނޮމިސްޓުގެ މަގާމު ވެސް ވަނީ ފުރައްވައިފަ އެވެ. އޭނާ މީގެ ކުރިން ވަނީ ހާވާޑް ޔުނިވާސިޓީގެ ފެކަލްޓީއެއްގައި ވެސް މަސައްކަތް ކުރައްވާފައެވެ.
