ޖަމާއަތުގައި ނަމާދު ނުކުރުން އިތުރު ހަފުތާއަކަށް ދަންމާލައިފި

ކޮވިޑް-19 ކޮންޓްރޯލް ކުރުމުގެ ގޮތުން މިސްކިތްތަކުގައި ޖަމާއަތުގައި އިތުރު ހަފުތާއަކަށް ނަމާދުކުރުން މަނާކޮށްފިއެވެ.

އިސްލާމިކް މިނިސްޓްރީން ނެރުނު ބަޔާނެއްގައި ބުނެފައިވަނީ މާލެ ސަރަހައްދުގައި ޖަމާއަތުގައި ނަމާދުކުރުން މެއި 21 ގައި މެދުކަނޑާލާފައިވާއިރު، އޭރު އޮތް ހާލަތަށް މިހާތަނަށް އައިރު ބަދަލެއް އައިސްފައި ނުވާކަމަށެވެ. އިސްލާމިކް މިނިސްޓްރީން ވަނީ ކޮވިޑް-19 ފެތުރުން ކޮންޓްރޯލް ކުރުމަށް އަޅާ ފިޔަވަޅެއްގެ ގޮތުން މިސްކިތްތަކުގައި ޖަމާއަތުގައި ނަމާދުކުރުން ހަފުތާއެއްގެ މުއްދަތަށް މެއި މަހު މެދުކަނޑާލާފައިވާކަން ހާމަކޮށްފައެވެ. މި މުއްދަތު ހަމަވެފައިވާއިރު، ރާއްްޖޭގެ ކޮވިޑްގެ ހާލަތަށް ބަދަލެއްނައިސް ކޭސްތައް ގިނަ އަދަދަކަށް ފެންނަމުންދާތީ މިސްކިތްތަކުގައި ޖަމާއަތުގައި ނަމާދުކުރުން އިތުރު ހަފުތާއަކަށް ދަންމާލުމަށް ނިންމާފައިވާކަމަށް ވަނީ ބުނެފައެވެ.

އެގޮތުން އިސްލާމީ ފަތުވާދޭ އެންމެ މަތީ މަޖިލީހާއި ދީނީ އިލްމުވެރިންގެ ލަފާގެމަތިން، 18 މެއި 2021 ވާ އަންގާރަ ދުވަހުގެ ރޭ ފަތިސް ނަމާދުން ފެށިގެން 25 މެއި 2021 ވީއަންގާރަ ދުވަހުގެޢިޝާ ނަމާދުގެ ނިޔަލަށް ގްރޭޓަރ މޭލެ ސަރަޙައްދުގައި ހިމެނޭ މިސްކިތްތަކުގައި ފަރުޟު ނަމާދުތަކާއި ހުކުރު ނަމާދުގެ ޖަމާއަތް ނުހެދުމަށް ވަނީ ނިންމާފައެވެ.

މިދަނޑިވަޅުގައި މިސްކިތުގެ ޖަމާއަތުގައި ނަމާދު ނުކުރި ނަމަވެސް ފަރުޟު ފަސް ނަމާދު ބަރާބަރަށް އަދާކުރުމަށާއި، ސުންނަތް ނަމާދު ގިނަކޮށް، ކީރިތި ގުރްއާން ކިޔަވައި، ގިނަގިނައިން ދުއާކުރުމަށް އެ މިނިސްޓްރީން ވަނީ ނަސޭހަތްތެރިވެފައެވެ.