އއ. އަތޮޅު ރަސްދޫގައި ބަރަހަނާ ފިލްމެއް ކުޅުނު ކަމުގެ ވާހަކަތަކެއް ދައުރުވަމުން ދާތީ އެކަން ބަލަމުންދާ ކަމަށް މޯލްޑިވްސް ޕޮލިސް ސާވިސް އިން ބުނެފިއެވެ.
ފުލުހުން ބުނީ ރަސްދޫގެ މަގުތަކާއި ގޮނޑުދޮށުގައި ފަތުރުވެރިންތަކެއް ބަރަހަނާ ފިލްމް ކުޅުނު މައްސަލަ އެއް އަދި ޝަކުވާއެއްވެސް ލިބިފައި ނުވާ ކަމަށެވެ.
އެހެން ނަމަވެސް ސޯޝަލް މީޑީއާގައި އެފަދަ ވާހަކަތަކެއް ދައުރުވާތީ އެކަން ބަލަމުންދާ ކަމުގައެވެ.
ބެކްގްރައުންޑުން ރާއްޖޭގެ މަންޒަރުތައް ފެންނަ ފޮޓޯތަކުގައި އަޚްލާގީ ގޮތުން ދަށް މަންޒަރުތަކެއް ސޯޝަލް މީޑިއާގައި ވަނީ ހާމަވެފައެވެ.
މި މަންޒަރުތަކާ ބެހޭ ގޮތުން ސޯޝަލް މީޑިއާ ގައި ބުނެފައިވަނީ ރަސްދޫގެ މަގުތަކުގަ އާއި އާންމު ތަންތާގައި ޖިންސީ ގުޅުން ހިންގާ ބަރަހަނާ ފިލްމްތަކެއް ރަޝިޔާގެ ބަރަހަނާ ފިލްމް ކުޅޭ ބަޔަކު ފިލްމް ކުޅުމަށްފަހު އިންޓަރނެޓްގައި އާންމު ކޮށްފައިވާ ކަމަށެވެ.
