ވިޔަފާރި-އިގްތިސާދު

އިންޑިއާ އަށް ދައްކަންޖެހޭ 400 މިލިއަން ޑޮލަރުގެ ކަރަންސީ ސްވޮޕްގެ މުއްދަތު އިތުރުކުރުމަށް ހުރަސްތަކެއް ކުރިމަތިވެއްޖެ!

ރާއްޖެއަށް ކުރިމަތިވެފައިވާ ބޭރު ފައިސާގެ ދަތިކަމަށް ހައްލެއް ހޯދުމަށް އިންޑިއާއިން ދޫކޮށްފައިވާ 400 މިލިއަން ޑޮލަރުގެ ކަރަންސީ ސްވޮޕް ފެސިލިޓީގެ މުއްދަތު އިތުރުކުރުމަށް ރާއްޖެއިން އެދިފައިވީ ނަމަވެސް، އެ ނިޒާމުގެ އުސޫލުތައް ހުރިގޮތުން އެކަމަށް ވަނީ ހުރަސްތަކެއް ކުރިމަތިވެފައި. އިންޑިއާ އައުޓް ޝިއާރުގެ ދަށުން ވެރިކަމަށް އައި މުއިއްޒު ސަރުކާރަށް އިންޑިއާއިން މާލީ އެހީތެރިކަން ފޯރުކޮށްދެމުންދާއިރު، ދަރަނި ދެއްކުމާއި އިގްތިސާދީ ގޮންޖެހުންތަކުން އަރައިގަތުމަށް މި ފެސިލިޓީގެ މުއްދަތު އިތުރުވުމަކީ ރާއްޖެއަށް ނުހަނު މުހިންމު ކަމެއް. އެހެންކަމުން މި މުއްދަތު އިތުރުނުވެއްޖެނަމަ، ކުރިއަށް އޮތް ތަނުގައި ރާއްޖޭގެ މާލީ ހާލަތު އިތުރަށް ނާޒުކުވެދާނެ ކަމަށް ބެލެވޭ.