މޯލްޑިވިއަނުން ބެންކޮކް ދެކޮޅު ޓިކެޓް 319 ޑޮލަރަށް

އާ އަހަރާ ދިމާކޮށް ޤައުމީ އެއަރލައިން މޯލްޑިވިއަނުން ބެންކޮކަށް ދަތުރު ކުރުމަށް ޚާއްޞަ ޕެކޭޖެއް ތަޢާރަފު ކޮށްފިއެވެ.

މޯލްޑިވިއަނުން ބުނީ ޑިސެމްބަރ މަހުގެ 23 ން ފެށިގެން އަންނަ ޖެނުއަރީ މަހުގެ 10 ގެ ނިޔަލަށް ބެންކޮކް ދެކޮޅު ޓިކެޓުގެ އަގަކީ 319 އެމެރިކާ ޑޮލަރު ކަމަށެވެ. އެއީ 4919 ދިވެހި ރުފިޔާ އެވެ.

މޯލްޑިވިއަނުން އަންނަނީ ތަފާތު މުނާސަބަތުތަކާއި ދިމާކޮށް މިފަދަ އެކި ފެއަރތައް ބާއްވަމުންނެވެ. އެގޮތުން މިއަހަރު މީގެކުރިންވެސް ބެންކޮކަށް ޚާއްޞަކޮށް މިފަދަ ފެއަރއެއް ބާއްވާފައެވެ.

މޯލްޑިވިއަނުން އަންނަނީ ހަފުތާއަކު ހަ ދަތުރު ބެންކޮކަށް ކުރަމުންނެވެ. މޯލްޑިވިއަނުން ބެންކޮކަށް ދަތުރުތައް ފަށާފައިވަނީ 2015ވަނަ އަހަރުގެ ތެރޭގައެވެ.