ޒަހާ ވަކިކުރީއެއް ނޫން، އިސްތިއުފާ ދެއްވީ: ރައީސް އޮފީސް
5 މެއި 2021 | ބުދަ 07:49ޒަހާ ހުންނެވި މިނިސްޓްރީއަށް މިހާރުވަނީ ޑރ ހުސައިން ރަޝީދު އައްޔަން ކުރައްވާފައި
ފިޝަރީޒް މިނިސްޓަރ ޒަހާގެ ބަދަލުގައި އެ މިނިސްޓްރީ މިހާރު ވަނީ ޑރ ހުސައިން ރަޝީދާ ހަވާލު ކުރައްވާފައި
މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރގެ މަގާމުގައި ހުންނެވި ޒަހާ ވަހީދު އެ މަގާމުން ވަކި ކުރެވުނީ ނޫންކަމަށާއި އިސްތިއުފާ ދެއްވީ ކަމަށް ރައީސް އޮފީހުން ބުނެފިއެވެ.
އެކަމަނާގެ އިސްތިޢުފާގެ ސިޓީ ރައީސުލްޖުމްހޫރިއްޔާ އިބްރާހީމް މުހައްމަދު ސާލިހަށް ލިބިވަޑައިގަތުމާ ގުޅިގެން، ރައީސުލްޖުމްހޫރިއްޔާ ވަނީ ވަޒީރުކަމުގެ މަގާމުގައި ހުންނަވައިގެން ޒަހާ ވަހީދު ކޮށްދެއްވި އިޚްލާސްތެރި ޚިދުމަތްތަކަށް ޝުކުރުއަދާކުރައްވާފައި ކަމަށްވެސް ރައީސް އޮފީހުން ބުނެއެވެ.
ރާއްޖެ އެމްވީއަށް އެނގިފައިވާ ގޮތުގައި ހޯމަ ދުވަހުގެ ރޭ 10:30 ހާއިރު ރައީސް އޮފީހުގެ ޗީފް އޮފް ސްޓާފް އަލީ ޒާހިރު ވަނީ މިނިސްޓަރ ޒަހާ މަގާމުން ވަކިކުރަން ރައީސް ނިންމެވިކަން ފޯނުން ގުޅުއްވައި ޒަހާއަށް އަންގަވާފައެވެ.
މައުލޫމާތު ލިބިފައިވާގޮތުގައި ރައީސް ވަނީ ރައީސް އޮފީހުގައި މިނިސްޓަރުކަމުގެ މަގާމަށް ޒަހާ ބަދަލުކުރައްވަން ނިންމަވާފައެވެ. ޒަހާ މަގާމުން ވަކިކުރުމަށް ނިންމިކަން ޒަހާ ނިސްބަތްވާ މޯލްޑިވްސް ރިފޯމް މޫވްމަންޓް (އެމްއާރުއެމް) ގެ ރައީސް މައުމޫން އަބްދުލްގައްޔޫމަށް ވެސް ވަނީ އަންގަވާފައެވެ.
