ވިލިމާލެ ކުޑަކުދިންގެ ހިޔާގައި އަލިފާނުގެ ހާދިސާއެއް ހިނގައިފި
ހާދިސާގެ ރިޕޯޓު ލިބިފައި ވަނީ ހެނދުނު 10:04ހާއިރު
ޝުރުފާ މުހައްމަދު | 4 މެއި 2021 | އަންގާރަ 06:17
ވިލިމާލެ ކުޑަކުދިންގެ ހިޔާގައި އަލިފާނުގެ ހާދިސާއެއް ހިނގުން
ވިލިމާލެ ކުޑަކުދިންގެ ހިޔާގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފްއިން ބުނީ މިހާރު އަލިފާން ނިއްވާލާފައިވާ ކަމަށާއި، ހާދިސާގައި އެއްވެސް މީހަކަށް ގެއްލުމެއް ނުވާ ކަމަށެވެ. އެކަމަކު އެތަނުގައި ހުރި ތަކެއްޗަށް އެކިވަރުގެ ގެއްލުންވެފައިވާ ކަމަށް ބުންޏެވެ.
ހާދިސާގެ ރިޕޯޓު ލިބިފައި ވަނީ އަންގާރަ ދުވަހުގެ ހެނދުނު 10:04 ހާއިރު ކަމަށް އެމްއެންޑީއެފްއިން ބުންޏެވެ.
ރާއްޖޭގައި މިހާރު ވިލިމާލޭގެ އިތުރަށް ހުޅުމާލޭގައި ވެސް ކުޑަކުދިންގެ ހިޔާއެއް ހިންގަމުން އަންނައިރު، ޖެންޑާ މިނިސްޓްރީގެ ބެލުމުގެ ދަށުން ހިޔާތަކުގައި ތިބި ބައެއް ކުދިން ވަނީ އަތޮޅުތެރޭގެ އެކި ރަށްރަށަށް ވެސް ބަދަލުކޮށްފައެވެ.
