ބްރިޖުގައި ރެނދުލާފައެއް ނެތް - މިނިސްޓްރީ
3 މެއި 2021 | ހޯމަ 10:50ބްރިޖުގައި ހުރީ ޖޮއިންޓްތަކުން ފެންފައިބާފައި ހުރި ނިޝާންތައް
ސިނަމާލެ ބްރިޖް - ބްރިޖުގައި ރެނދުލާފައިވާކަމަށް ދެކެވޭ ވާހަކައަކީ ދޮގެއް
ސިނަމާލެ ބްރިޖުގައި ރެނދުލާފައި ނެތްކަމަށް މިނިސްޓރީ އޮފް ޕްލޭނިން ހައުސިން އެންޑް އިންފްރާސްޓަރަކްޗަރުން ބުނެފިއެވެ.
ބްރިޖުގައި ރނދުލާ ހަލާކުވެފައިވާ ކަމަށް ބުނެ ސޯޝަލް މީޑިއާގައި އަންނަނީ ފޮޓޯތަކެއް ދައުރުވަމުންނެވެ. މިކަމާ ގުޅިގެން މިނިސްޓްރީގެ ޓެކްނިލް ޓީމެއް ވަނީ އެ ސަރަހައްދަށް ގޮޮސް ދިރާސާ ކޮށްފައެވެ. އެއީ ރެނދެއް ނޫންކަން ކަށަވަރުވެފައިވާކަން މިނިސްޓރީން މިހާރުވަނީ ހާމަކޮށްފައެވެ.
މިނިސްޓްރީން ބުނީ އެ ތަނުގެ ޓެކްނިކަލް ޓީމްގެ ފަރާތުން ވަނީ ސިނަމާލެ ބްރިޖުގައި ރެނދެއް ލާފައިވާ ކަމަށް ބުނާ ސަރަހައްދުގެ އިންސްޕެކްޝަނެއް ހަދާފައި ކަަމަށެވެ. އިންސްޕެކްޝަނުން އެނގުނު ގޮތުގައި މިހާރު ދައުރުކުރަމުންދާ ފޮޓޯއިން ފެންނަނީ ރެނދެއް ނޫނެވެ. ފޮޓޯއިން ފެންނަނީ ބްރިޖުގެ ޑެކްމަތީގައި ހިމެނޭ އެކްސްޕެންޝަން ޖޮއިންޓްތަކުން ފެން ފައިބާފައިވާ ނިޝާންތަކެއްކަން ފާހަގަކުރެވިފައިވާ ކަމަށާއި އެ ނިޝާންތައް މިހާރު ވާނީ ސާފުކޮށްފައި ކަމަށް ވެސް މިނިސްޓްރީން ބުންޏެވެ.
ސިނަމާލެ ބްރިޖުން ދުވާލެއްގެ މައްޗަށް އެތައްހާސް ބަޔަކު މާލެއާއި ހުޅުލެއާއި ހުޅުމާލެއާ ދޭތެރޭ ދަތުރުކުރެއެވެ.
