ގްރޭޓާ މާލެ ކަނެކްޓިވިޓީ ޕްރޮޖެކްޓަށް އިންޑިއާއިން ބިޑުކުރި ކުންފުނިތައް ޕްރިކޮލިފައިކޮށްފި
އިންޑިއާގެ އެގްޒިމްބޭންކް ގެ ފަރާތުން ވަނީ އިންޑިއާގެ ހަތަރު ކުންފުންޏެއް ޕްރީކޮލިފައި ކޮށްފައި
ގްރޭޓަރ މާލެ - މި ބްރިޖް ވެގެންދާނީ ދިވެހިރާއްޖޭގެ އިގްތިސާދު ކުރިއެރުވުމަށް މަގުފަހި ކުރުވާނެ މުހިއްމު ފާލަމަކަށް
ގްރޭޓާ މާލެ ކަނެކްޓިވިޓީ ޕްރޮޖެކްޓަށް ބިޑްކުރި ކުންފުނިތައް އިންޑިއަން އެގްޒިމް ބޭންކުން ޕްރި ކޮލިފައި ކޮށްފިއެވެ.
ގްރޭޓާރ މާލެ ކަނެކްޓިވިޓީ ޕްރޮޖެކްޓަށް ބިޑް ހުށަހެޅުމުގެ އެންމެ ފަހު ތާރީޚަކީ މި ހިނގާ މެއި މަހުގެ 5 ވަނަ ދުވަހެވެ. މިނިސްޓްރީ އޮފް ފިނޭންސް ގެ ފަރާތުން ހުޅުވާލައިފައިވާ މި ޓެންޑަރުގައި ބައިވެރިވުމަށް އިންޑިއާގެ އެގްޒިމްބޭންކްގެ ފަރާތުން ވަނީ އިންޑިއާގެ ހަތަރު ކުންފުންޏެއް ޕްރީކޮލިފައިކޮށްފައި ކަމަަށް އިންޑިއަން އެމްބަސީން މައުލޫމާތުދެއެވެ. އިންޑިއަން އެމްބަސީން ބުނީ މި ހަތަރު ކުންފުންޏަކީ ވެސް މިފަދަ މަޝްރޫއުތަކުގެ މަސައްކަތުގެ ތަޖުރިބާ އާއި، މަޝްރޫއުއަށް ބޭނުންވާ ޓެކްނިކަލް މާހިރުކަމާއި, ގާބިލިއްޔަތު، އަދި މާލީ ތަނަވަސްކަންލިބިފައިވާ ކުންފުނިތަކެއް ކަމަށެވެ.
ޖީ.އެމް.ސީ.ޕީ އަކީ މިހާތަނަށް ދިވެހިރާއްޖޭގައި ހިންގޭ އެންމެ ބޮޑު އުމްރާނީ ތަރައްގީގެ މަޝްރޫއުއެވެ. އަދި މި މަޝްރޫއުގެ މަސައްކަތް ނިމި، ގްރޭޓާ މާލެ ކަނެކްޓިވިޓީ ބްރިޖް ބޭނުން ކުރެވެން ފެށުމުން، މާލެ އާއި ވިލިމާލެ، ގުޅީފަޅު އަދި ތިލަފުށި އިންޑަސްޓްރިއަލް ޒޯން ގުޅާލަދޭނެއެވެ. އަދި މި ބްރިޖް ވެގެންދާނީ ދިވެހިރާއްޖޭގެ އިގްތިސާދު ކުރިއެރުވުމަށް މަގުފަހި ކުރުވާނެ މުހިއްމު ފާލަމަކަށެވެ.
އިންޑިއާގެ އެގްޒިމް ބޭންކްގެ ލައިން އޮފް ކްރެޑިޓް ފެސިލިޓީގެ ދަށުން ތަރައްގީކުރެވެމުންދާ ގުޅީފަޅު ޕޯޓްގެ ބޭނުން އެންމެ އެކަށޭނެ ގޮތުގައި ހިފުމަށްޓަކައި ހަދާ ބްރިޖް އަދި ކޯސްވޭ ލިންކްގެ ކޮންސަލްޓެންޓަކީ އިނގިރޭސި ވިލާތާއި ހޮންގްކޮންގް ގެ ކުންފުންޏެކެވެ. މި މަޝްރޫއުއަށް ބޭނުންވާ ފައިނޭންސް ހަމަޖައްސާފައިވަނީ އިންޑިއާ ސަރުކާރުން ފޯރުކޮށްދީފައިވާ 400 މިލިއަން ޑޮލަރުގެ ލައިން އޮފް ކްރެޑިޓް އަކާއި 100 މިލިއަންޑޮލަރުގެ ގްރާންޓެއްގެ ދަށުންނެވެ. މި މަޝްރޫއުގެ މަސައްކަތް ގާތްގަނޑަކަށް ދެ އަހަރުގެ ތެރޭގައި ފުރިހަމަކުރުމަށް އޮތީ އަމާޒުހިފާފައެވެ.
