ރާއްޖެ
ދިއްފުށީ މޫދުން މީހެއްގެ ހަށިގަނޑު ފެނުން
ދިއްފުށީ މޫދުން މަރުވެފައިވާ މީހެއްގެ ހަށިގަނޑު ފެނިއްޖެ
އެއީ އުމުރުން 23 އަހަރުގެ އިންޑިޔާ ފިރިހެނެއް
ނަހުފާ މުހައްމަދު, ރާއްޖެ އެމްވީ | 24 އެޕްރީލު 2021 | ހޮނިހިރު 11:23
ދިއްފުށި
މާލެއަތޮޅު ދިއްފުށި ކައިރިން މޫދުން މަރުވެފައިވާ މީހެއްގެ ހަށިގަނޑު ފެނިއްޖެއެވެ.
ފުލުހުންގެ މީޑިއާ އޮފިސަރ ވިދާޅުވީ ދިއްފުށީގެ ބަނދަރު ސަރަހައްދުން މޫދުގައި މީހަކު މަރުވެފައިވާ ކަމުގެ މައުލޫމާތު ލިބިފައިވާ ކަމަށެވެ. އެ މައުލޫމާތު ލިބިފައިވަނީ ހޮނިހިރު ދުވަހުގެ މެންދުރުފަހު 1:15 ހާއިރު ކަމަށް ފުލުހުން ބުނެއެވެ.
މަރުވެފައިވާ މީހަކީ އިންޑިއާއަށް ނިސްބަތްވާ އުމުރުން 23 އަހަރުގެ ފިރިހެނެކެވެ. އެ މީހާގެ ހަށިގަނޑު މޫދުން ނެގުމަށްފަހު މިހާރު އޮތީ ދިއްފުށީ ސިއްހީ މަރުކަޒުގައެވެ.
ފުލުހުން ބުނީ މިކަމާއި ގުޅިގެން ބަލަންޖެހޭ ކަންކަން މިހާރު ބަލަމުން ގެންދާ ކަމަށާއި އިތުރު މައުލޫމާތު ކުރިއަށް އޮތްތަނުގައި ހިއްސާ ކުރާނެ ކަމަށެވެ.
