ލޯކަލް ކައުންސިލް އިންތިހާބުގެ ވަގުތީ ނަތީޖާ އިއުލާނުކުރުން މިއަދު މެންދުރުފަހު
ކައުންސިލް އިންތިހާބު ބާއްވާފައިވަނީ މިދިޔަ ހޮނިހިރު ދުވަހު
ކައުންސިލް އިންތިހާބުގައި ވޯޓުލަނީ
ލޯކަލް ކައުންސިލް އިންތިހާބުގެ ވަގުތީ ނތީޖާ އިއުލާނު ކުރުން، ހޯމަ ދުވަހުގެ މެންދުރު ފަހުގެ ވަގުތެއްގައި ފަށާނެ ކަމަށް އިލެކްޝަންސް ކޮމިޝަނުން ހާމަކޮށްފި އެވެ.
އިލެކްޝަންސް ކޮމިޝަނުން ބުނީ ވަގުތީ ނަތީޖާ އިއުލާނު ކުރުމުގެ މަސައްކަތް ކުރިއަށްދާ އިރު މިހާރު ކުރިއަށްދަނީ ނަތީޖާތައް، އިލެކްޝަންސް ކޮމިޝަނުގެ ސިސްޓަމަށް އެޅުމާއި ވެރިފައި ކުރުމުގެ މަސައްކަތް ކަމަށެވެ.
މިދިޔަ ހޮނިހިރު ދުވަހު ލޯކަލް ކައުންސިލް އިންތިހާބު ބާއްވާފައިވާފައިވާ އިރު މި އިންތިހާބުގައި 664 ކެންޑިޑޭޓުން ވަނީ ވާދަކޮށްފަ އެވެ. މި އިންތިހާބުގައި ޕީޕީއެމްގެ ފަރާތުން 516 ކެންޑިޑޭޓުން ވާދަކުރާ އިރު އެމްޑީޕީގެ ފަރާތުން ވާދަކުރީ 469 ކެންޑިޑޭޓުންނެވެ. އަދި ޖޭޕީގެ ފަރާތުން 93 ކެންޑިޑޭޓުން ކުރިމަތިލާފައިވާ އިރު އެމްޑީއޭގެ ފަރާތުން 43 ކެންޑިޑޭޓުން ކުރިމަތިލާފައިވެ އެވެ. މިނިވަން ކެންޑިޑޭޓުންގެ ގޮތުގައި ވާދަކޮށްފައިވަނީ 252 ކެންޑިޑޭޓުންނެވެ.
އިންތިހާބުގައި ވޯޓުލުމުގެ ހައްގު 255،987 ލިބިފައިވާ އިރު މި އިންތިހާބުގައި 422 ވޯޓު ފޮށި ވަނީ ރާއްޖޭގެ އެކި ސަރައްހަދުތަކުގައި ބެހެއްޓިފަ އެވެ.
ކައުންސިލް އިންތިހާބުގައި ސަރުކާރު ހިންގާ ޕާޓީ ޕީޕީއެމް އިން ކާމިޔާބުވެފައިވާ ކަން އިއުލާނުކޮށްފައިވާ އިރު، އިދިކޮޅު އިއްތިހާދުންވެސް ވަނީ އިންތިހާބުގައި ކާމިޔާބު ލިބިފައިވާ ކަން އިއުލާނުކޮށްފަ އެވެ.
