އެއްދުވަހާ 250ށް ވުރެ ގިނަ ޕޮޒިޓިވް ކޭސް!
21 އެޕްރީލު 2021 | ބުދަ 17:33ބުދަ ދުވަހު 253 މީހުން ވަނީ ކޮވިޑް-19 އަށް ޕޮޒިޓިވްވެފައި
އާރުއާރްޓީ ޓީމުން ހަރަކާތްތެރި ވަނީ
ރާއްޖެއިން އެއްދުވަހާ 250ށް ވުރެ ގިނަ މީހުން ކޮވިޑް-19 އަށް ޕޮޒިޓިވް ވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ މައުލޫމާތުތައް ދައްކާގޮތުން ބުދަ ދުވަހު 253 މީހުން ވަނީ ކޮވިޑް-19 އަށް ޕޮޒިޓިވްވެފައެވެ. އެއީ މާލެ ސަރަހައްދުން ޕޮޒިޓިވްވި 111 މީހުންނާއި އަތޮޅުތެރޭގެ އެކި ރަށްރަށުން ޕޮޒިޓިވްވި 61 މީހުންގެ އިތުރުން ރިސޯޓްތަކުން ޕޮޒިޓިވްވި 64 މީހުންނާއި ސިނާއީ މަސައްކަތްތައް ކުރާ ރަށްރަށުން ޕޮޒިޓިވްވި 17 މީހުންނެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ އަދަދު ވަނީ 26،920ށް އަރާފައެވެ. އަދި ބަލިން ރަގަޅުވި މީހުންގެ އަދަދު ވަނީ 23،925ށް އަރާފައެވެ.
މިވަގުތު ރާއްޖޭގައި 2،905 މީހުން ކޮވިޑަށް ފަރުވާ ހޯދަމުންދާއިރު، 83 މީހުންނަށް ފަރުވާދެނީ ހޮސްޕިޓަލްގައި އެޑްމިޓްކޮށްގެންނެވެ.
ރާއްޖެއިން ކޮވިޑް-19 ޖެހިގެން ނިޔާވި މީހުންގެ އަދަދު ވަނީ 71ށް އަރާފައެވެ.
ކޮވިޑް ކޭސްތަކުގެ އަދަދު ދަށަށް ދާން ފަށާފައި އޮތުމަށްފަހު އަނެއްކާވެސް އަދަދު އިތުރުވާން ފަށާފައި މިވަނީ ބަލިމަޑުކަމާއި ގުޅިގެން އެޗްޕީއޭއިން އަޅާފައިވާ ފިޔަަވަޅުތަކަށް ލުއިދީފައިވަނިކޮށެވެ. އެކްޓިވް ކޭސްތަކުގެ އަދަދު މިހާރު ބޮޑުތަނުން އިތުރުވެފައިވާއިރު، ހޮސްޕިޓަލްގައި އެޑްމިޓްކޮށްގެން ފަރުވާދޭ މީހުންގެ އަދަދުވެސް އަންނަނީ އިތުުރުވަމުންނެވެ.
